പെട്ടി ഓട്ടോ ഇടിച്ച് നാല് വയസുകാരൻ മരിച്ചു
Wednesday, February 21, 2024 7:20 PM IST
പാലക്കാട്: പെട്ടി ഓട്ടോ ഇടിച്ച നാലുവയസുകാരൻ മരിച്ചു. ചെറുപ്പുളശ്ശേരി നെല്ലായയിൽ രാവിലെ 10.30 നാണ് സംഭവം. കാഞ്ഞിരത്തിങ്ങൽ മനോജിന്റെ മകൻ ആദിനാഥ് (4) ആണ് മരിച്ചത്.
മീൻ വിൽപ്പനയ്ക്കെത്തിയ വാഹനമാണ് കുട്ടിയെ ഇടിച്ചത്. തുടർന്ന് കുട്ടിയെ പെരിന്തൽമണ്ണയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.
വാഹനം ഓടിച്ചിരുന്ന ഡ്രൈവർക്കെതിരേ മനപ്പൂർവമല്ലാത്ത നരഹത്യയ്ക്ക് കേസെടുത്തതായി പോലീസ് പറഞ്ഞു.