കതൃക്കടവിലെ ബാർ വെടിവയ്പ്പ്: മുഖ്യപ്രതി പിടിയിൽ
Wednesday, February 21, 2024 11:35 AM IST
കൊച്ചി: കതൃക്കടവിലെ ഇടശേരി ബാറിലെ വെടിവയ്പ്പ് കേസിലെ മുഖ്യപ്രതി പിടിയിൽ. ജീവനക്കാർക്കു നേരെ വെടിയുതിർത്ത കോമ്പാറ വിനീതാണ് നോർത്ത് പോലീസിന്റെ പിടിയിലായത്. വെടിവയ്ക്കാനുപയോഗിച്ച തോക്കും കണ്ടെടുത്തു.
സംഭവത്തിനു ശേഷം ഒളിവിൽ പോയ വിനീതിന്റെ ഒളിയിടം കണ്ടെത്തിയതായി പോലീസ് അറിയിച്ചിരുന്നു. കേസിൽ നേരിട്ട് ഇടപെട്ട അഞ്ചു പ്രതികൾ ഉൾപ്പെടെ 14 പേരെയാണ് പോലീസ് ഇപ്പോൾ പിടികൂടിയത്. ഒമ്പതുപേർ പ്രതികളെ രക്ഷപെടാൻ സഹായിച്ചവരും അവർക്ക് സൗകര്യങ്ങളൊരുക്കിയവരുമാണ്.