വീട്ടിൽ പ്രസവം; അമ്മയും കുഞ്ഞും മരിച്ചു
Tuesday, February 20, 2024 9:45 PM IST
തിരുവനന്തപുരം: കാരയ്ക്കമണ്ഡപത്ത് വീട്ടിൽ പ്രസവിച്ച അമ്മയും കുഞ്ഞും മരിച്ചു. പൂന്തുറ സ്വദേശിനി ഷമീന(36) ആണ് മരിച്ചത്.
വീട്ടിൽവച്ച് പ്രസവമെടുക്കുക എന്നത് വീട്ടുകാരുടെ തീരുമാനമായിരുന്നു എന്നാണ് വിവരം. രക്തസ്രാവത്തെ തുടർന്ന് ആശുപത്രിയിലേക്ക് കൊണ്ടുപോകും വഴിയായിരുന്നു മരണം.
ആശുപത്രിയിൽ എത്തും മുൻപുതന്നെ യുവതിയും കുഞ്ഞും മരിച്ചിരുന്നുവെന്ന് ആശുപത്രി അധികൃതർ പറഞ്ഞു. നേമം പോലീസ് കേസെടുത്ത് അന്വേഷണം ആരംഭിച്ചു.