തൃപ്പൂണിത്തുറ സ്ഫോടനം; ഗുരുതരാവസ്ഥയിലായിരുന്ന ഒരാള് മരിച്ചു
Monday, February 12, 2024 12:22 PM IST
കൊച്ചി: തൃപ്പൂണിത്തുറയിലെ പടക്കശാലയിലുണ്ടായ സ്ഫോടനത്തില് ഒരാള് മരിച്ചു. ഗുരുതരാവസ്ഥയില് ആശുപത്രിയില് ചികിത്സയിലായിരുന്ന വിഷ്ണു ആണ് മരിച്ചത്.
അപകടത്തിൽ 16 പേര്ക്കാണ് പരിക്കേറ്റത്. ഇവരിൽ ഒരാളുടെകൂടി നില ഗുരുതരമായി തുടരുകയാണ്.
തൃപ്പൂണിത്തുറ ചൂരക്കാടാണ് സംഭവം. പുതിയകാവ് ക്ഷേത്രത്തിലെ ഉത്സവത്തിന് വേണ്ടി എത്തിച്ച പടക്കമാണ് പൊട്ടിത്തെറിച്ചത്. വാഹനത്തില് നിന്ന് കരിമരുന്നുകള് ഇറക്കുന്നതിനിടെ പൊട്ടിത്തെറി ഉണ്ടാവുകയായിരുന്നു.
സ്ഫോടകവസ്തുക്കളുടെ അവശിഷ്ടങ്ങൾ അരകിലോമീറ്റർ അകലെ വരെ തെറിച്ചു. സ്ഥലത്തെ ഇരുപതോളം വീടുകള്ക്ക് കേടുപാടുകള് സംഭവിച്ചിട്ടുണ്ട്. ഇരുനില വീടുകളുടെ കോൺക്രീറ്റും ജനൽപാളികളും അടർന്നുവീണ നിലയിലാണ്.
സ്ഫോടത്തിന്റെ കാരണം എന്താണെന്ന് വ്യക്തമല്ല.