പൂപ്പാറയിൽ തമിഴ്നാട് ട്രാൻസ്പോർട്ട് ബസ് അപകടത്തിൽപെട്ടു; 15 പേർക്ക് പരിക്ക്
Sunday, December 10, 2023 3:41 PM IST
ഇടുക്കി: പൂപ്പാറയിൽ തമിഴ്നാട് ട്രാൻസ്പോർട്ട് കോർപ്പറേഷന്റെ ബസ് അപകടത്തിൽപ്പെട്ട് 15 പേർക്ക് പരിക്ക്.
പൂപ്പാറ തലക്കുളത്ത് വെച്ചാണ് സംഭവം. മധുരയിൽ നിന്ന് മൂന്നാറിലേക്ക് വരികയായിരുന്ന ബസ് ബ്രേക്ക് നഷ്ടപ്പെട്ട് റോഡരികിലുള്ള തിട്ടയിൽ ഇടിക്കുകയായിരുന്നു. പരിക്കേറ്റവരെ തേനി മെഡിക്കൽ കോളജിലേക്ക് മാറ്റി. രണ്ടു പേരുടെ നില ഗുരുതരമാണ്.