നവകേരള സദസുമായി ബന്ധപ്പെട്ട അക്രമങ്ങളില് മുഖ്യമന്ത്രിയെ ഒന്നാം പ്രതിയാക്കണം: സതീശന്
Sunday, December 10, 2023 3:30 PM IST
കൊച്ചി: നവകേരള സദസുമായി ബന്ധപ്പെട്ട അക്രമങ്ങളില് മുഖ്യമന്ത്രിയെ ഒന്നാം പ്രതിയാക്കി കേസെടുക്കണമെന്ന് പ്രതിപക്ഷ നേതാവ് വി.ഡി.സതീശന്.
മുഖ്യമന്ത്രിയുടെ വാഹനത്തിന് പിന്നാലെയുള്ള ടെംമ്പോ ട്രാവലറുകളില് സിപിഎം ക്രിമിനല് സംഘമാണ് യാത്ര ചെയ്യുന്നത്. ഇവരാണ് റോഡരുകില് കരിങ്കൊടി കാട്ടി പ്രതിഷേധിക്കുന്നവരെ ക്രൂരമായി ആക്രമിക്കുന്നതെന്നും സതീശൻ പറഞ്ഞു.
കണ്ണൂരിലെ അക്രമവുമായി ബന്ധപ്പെട്ട് പൊലീസ് വധശ്രമത്തിന് കേസെടുത്തപ്പോഴും മുഖ്യമന്ത്രി പറഞ്ഞത് അത് ജീവന്രക്ഷാപ്രവര്ത്തനമാണെന്നാണ്. അക്രമികളെ അഭിനന്ദിക്കുകയാണ് മുഖ്യമന്ത്രി ചെയ്തതെന്നും സതീശന് പറഞ്ഞു.
പരിപാടിയില് പങ്കെടുക്കാനെത്തിയ പാർട്ടിക്കാരെ മര്ദനമേല്ക്കുന്നത് മുഖ്യമന്ത്രി പറഞ്ഞ രക്ഷാപ്രവര്ത്തനത്തിന്റെ ബാക്കിയാണെന്നും സതീശന് പരിഹസിച്ചു. മറൈന് ഡ്രൈവില് നവകേരള സദസില് പങ്കെടുക്കാന് വന്ന ഡിവൈഎഫ്ഐ പ്രവര്ത്തകനെയാണ് മര്ദ്ദിച്ചത്. എഴുന്നേറ്റ് നടക്കാന് പറ്റാത്ത തരത്തില് നിലത്തിട്ട് ചവിട്ടിക്കൂട്ടി.
കേരളത്തില് ഏറ്റവും കൂടുതല് കരിങ്കൊടി കാട്ടിയിട്ടുള്ള സിപിഎമ്മാണ് പ്രതിഷേധക്കാരെ ആക്രമിക്കുന്നത്. മഹാരാജാവിന്റെ എഴുന്നള്ളത്താണ് ഇപ്പോള് നടക്കുന്നത്. വഴിയരികില് ആരും കാണാന് പാടില്ലെന്ന തരത്തിലാണ് ആക്രമണമെന്നും സതീശന് വിമര്ശിച്ചു.
മുഖ്യമന്ത്രി നല്കിയ ധൈര്യമാണ് ക്രിമിനലുകള്ക്ക് അഴിഞ്ഞാടാനുള്ള സാഹചര്യം ഒരുക്കിയതെന്നും സതീശന് കൂട്ടിച്ചേര്ത്തു.