വയനാട്ടില് യുവാവിനെ കടുവ കടിച്ചു കൊന്നു; മൃതദേഹം പാതി ഭക്ഷിച്ച നിലയില്
Saturday, December 9, 2023 6:59 PM IST
കല്പ്പറ്റ: വയനാട് സുല്ത്താന് ബത്തേരിയിൽ കടുവയുടെ ആക്രമണത്തില് യുവാവ് കൊല്ലപ്പെട്ടു. വാകേരി കൂടല്ലൂര് മൂടക്കൊല്ലി സ്വദേശി മാരോട്ടിതടത്തില് പ്രജീഷ് (36) ആണ് മരിച്ചത്. പാടത്തിനു സമീപം പാതി ഭക്ഷിച്ച നിലയിലാണ് മൃതദേഹം കണ്ടെത്തിയത്.
കടുവ ആക്രമിച്ചശേഷം മൃതദേഹം ഉപേക്ഷിച്ചതാണെന്നാണ് സൂചന. കാലിന്റെ ഭാഗം പൂര്ണമായും ഭക്ഷിച്ച നിലയിലാണ്. ഇന്ന് രാവിലെ 11നാണ് പ്രജീഷ് പാടത്ത് പുല്ല് വെട്ടാൻ പോയത്. വൈകുന്നേരം പാല് കൊടുക്കുന്ന സമയത്തും പ്രജീഷിനെ കണ്ടില്ല. പിന്നാലെ സഹോദരന് അന്വേഷിച്ചിറങ്ങുകയായിരുന്നു.
ജനവാസ മേഖലയിലാണ് സംഭവം. ഇവിടെ കടുവയെ കണ്ടതായാണ് നാട്ടുകാര് പറയുന്നത്. ഇവിടങ്ങളില് പലപ്പോഴായി കടുവ ഉള്പ്പെടെയുള്ള വന്യമൃഗങ്ങളുടെ സാന്നിധ്യമുണ്ട്.