കോഴിക്കോട്ടെ യുവതിയുടെ ആത്മഹത്യ; ഗാര്ഹിക പീഡനം മൂലമെന്ന് ബന്ധുക്കള്
Friday, December 8, 2023 10:03 AM IST
കോഴിക്കോട്: ഓര്ക്കാട്ടേരിയിലെ യുവതിയുടെ ആത്മഹ്യയ്ക്ക് കാരണം ഗാര്ഹികപീഡനമെന്ന് പരാതി. ഭര്തൃവീട്ടുകാരുടെ പീഡനമാണ് ആത്മഹത്യയിലേക്ക് നയിച്ചതെന്ന് കാട്ടി യുവതിയുടെ ബന്ധുക്കള് പോലീസില് പരാതി നല്കി.
സംഭവത്തില് പോലീസ് അസ്വാഭാവിക മരണത്തിന് കേസെടുത്തിട്ടുണ്ട്. ഇതിനിടെ യുവതിയെ ഭര്ത്താവിന്റെ ബന്ധുക്കള് ഉപദ്രവിക്കുന്ന സിസിടിവി ദൃശ്യങ്ങളും പുറത്തുവന്നു.
കഴിഞ്ഞ തിങ്കളാഴ്ചയാണ് ഓര്ക്കാട്ടേരിയിലെ ഭര്തൃവീട്ടില് വച്ച് ഷബ്ന(30) എന്ന യുവതി ജീവനൊടുക്കിയത്. ഭര്ത്താവിന്റെ അമ്മയും സഹോദരിയും പിതാവും ചേര്ന്ന് ഏറെ നാളുകളായി യുവതിയെ ശാരീരികമായും മാനസികമായും പീഡിപ്പിച്ചിരുന്നെന്നാണ് ബന്ധുക്കളുടെ ആരോപണം.
യുവതിയുടെ 10 വയസുള്ള പെണ്കുട്ടിയുടെ മൊഴിയുടെ അടിസ്ഥാനത്തിലാണ് ബന്ധുക്കള് പോലീസില് പരാതി നല്കിയത്.