കാഞ്ഞിരപ്പള്ളിയിൽ വാഹനാപകടം: രണ്ടുപേർ മരിച്ചു
Thursday, December 7, 2023 6:16 PM IST
കോട്ടയം: കാഞ്ഞിരപ്പള്ളിയിൽ വാഹനാപകടത്തിൽ രണ്ടു യുവാക്കൾ മരിച്ചു. ഇടുക്കി വെൺമണി സ്വദേശി ഇടക്കുന്നം മുക്കാലി ചക്കാലപറമ്പിൽ നിജോ തോമസ് (33), ഇരുപത്തിയാറാം മൈൽ, പുൽപ്പാറ ബിനു പി.പി ( 44) എന്നിവരാണ് മരിച്ചത്.
വൈകിട്ട് 3.30 ഓടെ പേട്ടക്കവലയ്ക്ക് സമീപം സ്വകാര്യ ബസിൽ ബൈക്കിടിച്ചായിരുന്നു അപകടം. കോട്ടയത്ത് നിന്നും നെടുങ്കണ്ടത്തിന് പോയ സെന്റ് ജോർജ് ബസിലേക്ക് നിയന്ത്രണം വിട്ടുവന്ന ബൈക്ക് ഇടിച്ചുകയറുകയായിരുന്നു.
സംഭവ സ്ഥലത്ത് തന്നെ ബിനു മരിച്ചു. നിജോയെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അപകടത്തിൽ ബൈക്ക് പൂർണമായും തകർന്നു. അപകടത്തെ തുർന്ന് ദേശീയപാതയിൽ ഗതാഗത തടസവും അനുഭവപ്പെട്ടു.