കെഎസ്ആര്ടിസി ജീവനക്കാരെ ആക്രമിച്ച കാര് യാത്രക്കാര്ക്കെതിരെ കേസ്
Thursday, December 7, 2023 5:21 PM IST
തിരുവനന്തപുരം: കെഎസ്ആര്ടിസി ജീവനക്കാരെ ആക്രമിച്ച കാര് യാത്രക്കാര്ക്കെതിരെ കേസ്. കഴിഞ്ഞദിവസം തിരുവനന്തപുരത്തുനിന്ന് പാലക്കാട്ടേക്ക് സര്വീസ് നടത്തിയ കെ സ്വിഫ്റ്റ് എസി ബസിലെ ജീവനക്കാര്ക്ക് നേരെയാണ് ആക്രമണമുണ്ടായത്.
ബസ് രാത്രി അമ്പലപ്പുഴയില് എത്തിയപ്പോഴായിരുന്നു സംഭവം. ബസ് യാത്ര തടസപ്പെടുത്തി കാറോടിച്ചത് ചോദ്യം ചെയ്തതിനു പിന്നാലെയാണ് മര്ദ്ദനമുണ്ടായത്. മദ്യലഹരിയിലെത്തിയ സംഘമാണ് മര്ദ്ദിച്ചത്.
വിവരം അറിഞ്ഞ് സ്ഥലത്തെത്തിയ പോലീസ് ഉദ്യോഗസ്ഥനെയും സംഘം കൈയേറ്റം ചെയ്തെന്ന് പരാതിയില് പറയുന്നു. കാറിലെത്തിയ ഒരു സംഘം യുവാക്കള് ബസ് തടഞ്ഞ് ജീവനക്കാരെ അതിക്രൂരമായാണ് മര്ദ്ദിച്ചതെന്ന് കെഎസ്ആര്ടിസിയും അറിയിച്ചു.