പോലീസിനുനേരേ പിതാവ് വെടിയുതിര്ത്തു; രക്ഷപ്പെട്ട പ്രതി പിടിയില്
Thursday, December 7, 2023 3:46 PM IST
കണ്ണുര്: വളപട്ടണത്ത് പോലീസിനെ വെട്ടിച്ച് മുങ്ങിയ വധശ്രമക്കേസ് പ്രതി റോഷന് അറസ്റ്റില്. തമിഴ്നാട് സ്വദേശിയെ പേപ്പര് കട്ടര് കൊണ്ട് ആക്രമിച്ച കേസില് കഴിഞ്ഞമാസം മൂന്നിന് റോഷനെ പിടികൂടാന് പോലീസ് ഇയാളുടെ വീട്ടില് എത്തിയിരുന്നു.
എന്നാൽ ഈ സമയം ഇയാളുടെ പിതാവ് ബാബു തോമസ് പോലീസിനുനേരേ വെടിയുതിര്ത്തിരുന്നു. തലനാരിഴയ്ക്കാണ് പോലീസുദ്യോഗസ്ഥര് രക്ഷപ്പെട്ടത്. പോലീസിനുനേരേ മൂന്ന് റൗണ്ട് വെടിയുതിര്ക്കുന്നതിനിടെ റോഷന് വീട്ടില് നിന്നും രക്ഷപ്പെട്ടു.
സംഭവത്തില് ബാബു തോമസിനെ പോലീസ് അപ്പോള് തന്നെ അറസ്റ്റ് ചെയ്തു. പക്ഷെ റോഷനെ കണ്ടുപിടിക്കാന് കഴിഞ്ഞില്ല. ഇയാള് എറണാകുളത്തുണ്ടെന്ന രഹസ്യവിവരം ലഭിച്ചതിനെ തുടര്ന്ന് വളപട്ടണം പോലീസ് പ്രതിയെ അറസ്റ്റ് ചെയ്യുകയായിരുന്നു.