ഒഡീഷയില് മദ്യവ്യാപാരികളുമായി ബന്ധപ്പെട്ട റെയ്ഡ്; ആദായനികുതി വകുപ്പ് 150 കോടി കണ്ടെടുത്തു
Thursday, December 7, 2023 1:42 PM IST
ഭുവനേശ്വര്: ഒഡീഷയില് മദ്യവ്യാപാരികളുമായി ബന്ധപ്പെട്ട് ആദായനികുതി വകുപ്പ് നടത്തിയ റെയ്ഡില് 150 കോടി രൂപ കണ്ടെടുത്തു.
മദ്യനിര്മ്മാണ കമ്പനിയായ ബൗദ് ഡിസ്റ്റിലറീസ് പ്രൈവറ്റ് ലിമിറ്റഡുമായി ബന്ധപ്പെട്ട് വിവിധയിടങ്ങളില് നടത്തിയ പരിശോധനയിലാണ് കോടികളുടെ കള്ളപ്പണം കണ്ടെടുത്തത്. വലിയ ലോറികളിലാണ് പണം ഇവിടെനിന്ന് മാറ്റിയത്. നോട്ടുകള് എണ്ണിതിട്ടപ്പെടുത്തുന്നതിനിടെ നോട്ടെണ്ണല് മെഷീന് കേട് സംഭവിച്ചു.
പിന്നീട് പുതിയ യന്ത്രം കൊണ്ടുവന്നാണ് നോട്ടെണ്ണല് തുടര്ന്നത്. ഇതുവരെ എണ്ണിതിട്ടപ്പെടുത്തിയത് 150 കോടി രൂപയുടെ നോട്ടുകളാണ്.
ബുധനാഴ്ച മുതലാണ് ആദായനികുതി വകുപ്പ് റെയ്ഡ് ആരംഭിച്ചത്. ഒഡീഷയിലെ ബോലാങ്കിര്, സംബല്പൂര്, ജാര്ഖണ്ഡിലെ റാഞ്ചി, ലോഹര്ദാഗ എന്നിവിടങ്ങളില് പരിശോധന തുടരുകയാണെന്ന് ഉദ്യോഗസ്ഥര് അറിയിച്ചു.