വെങ്ങരയിൽ അഞ്ചുപേരെ നായ്ക്കൂട്ടം കടിച്ചു
Thursday, December 7, 2023 12:01 PM IST
കാസർഗോഡ്: മാടായി പഞ്ചായത്തിലെ വെങ്ങര മുക്ക്, റെയിൽവേ ഗേറ്റ്, വെങ്ങര പോസ്റ്റാഫീസിനു സമീപം എന്നിവിടങ്ങളിൽ തെരുവുനായകളുടെ വിളയാട്ടം. അഞ്ചു പേർക്ക് കടിയേറ്റു.
ബുധനാഴ്ചയും ഇന്നുമായാണ് നായ്ക്കൂട്ടം ജനങ്ങളെ ആക്രമിച്ചത്. ഇന്ന് രാവിലെ റെയിൽവേ ഗേറ്റിനു സമീപം വച്ച് സമീപവാസിയായ ഹസൻ (71), പിലാത്തറ കോ-ഓപ്പറേറ്റീവ് കോളജ് ഡിഗ്രി വിദ്യാർഥിനി സാന്ദ്ര (20), വെങ്ങരയിലെ നസീർ എന്നിവർക്ക് കടിയേറ്റു.
വളപട്ടണം സ്വദേശി ജലീൽ (59), മാടായി വാടിക്കൽ സ്വദേശി സുനിൽദത്ത് (58) എന്നിവർക്ക് ബുധനാഴ്ച കടിയേറ്റിരുന്നു. കടിയേറ്റവർ പഴയങ്ങാടി താലൂക്ക് ആശുപത്രിയിലെ പ്രഥമശുശ്രൂഷയക്ക് ശേഷം പരിയാരത്തെ കണ്ണൂർ ഗവ.മെഡിക്കൽ കോളജിൽ ചികിത്സ തേടി.