സിലിണ്ടര് മാറുന്നതിനിടെ ഗ്യാസ് പൊട്ടിത്തെറിച്ച് അപകടം; അടുക്കള തകര്ന്നു
Thursday, December 7, 2023 11:00 AM IST
വയനാട്: വെണ്ണിയോട് കല്ലട്ടിയില് സിലിണ്ടര് മാറുന്നതിനിടെ ഗ്യാസ് പൊട്ടിത്തെറിച്ച് വീടിന്റെ ഒരു ഭാഗം തകര്ന്നു. അടുക്കളയുടെ ഭാഗമാണ് തകര്ന്നത്. സംഭവത്തില് ആര്ക്കും പരിക്കില്ല.
രാവിലെ 7:45നാണ് സംഭവം. കഴിഞ്ഞ ദിവസം ഇറക്കിയ പുതിയ സിലിണ്ടര് ഘടിപ്പിക്കുന്നതിനിടെ ഗ്യാസ് ചോരുകയായിരുന്നു. തൊട്ടടുത്ത് വിറക് അടുപ്പില് തീ ഉണ്ടായിരുന്നതാണ് പൊട്ടിത്തെറിക്ക് കാരണമായത്. ഫയര്ഫോഴ്സ് സ്ഥലത്തെത്തിയാണ് തീ അണച്ചത്.
ഗ്യാസ് ചോർന്നത് ശ്രദ്ധയിൽപ്പെട്ട ഉടനെ എല്ലാവരും പുറത്തേയ്ക്ക് ഇറങ്ങിയതിനാല് വലിയ അപകടം ഒഴിവായി.