റുവൈസ് ഒളിവിൽ കഴിഞ്ഞത് ബന്ധുവിന്റെ വീട്ടിൽ
Thursday, December 7, 2023 9:50 AM IST
കൊല്ലം: യുവ ഡോക്ടര് ഷഹനയുടെ മരണത്തെ തുടര്ന്ന് ആണ് സുഹൃത്ത് ഡോ. റുവൈസ് ഒളിവില് കഴിഞ്ഞത് കരുനാഗപ്പള്ളിയിലെ ബന്ധുവീട്ടില്. ഇന്ന് പുലര്ച്ചയോടെ തിരുവനന്തപുരം മെഡിക്കല് കോളജ് പോലീസ് ഈ വീട്ടില് നിന്നുമാണ് റുവൈസിനെ കസ്റ്റഡിയിലെടുത്തത്.
ഇയാള്ക്കെതിരെ ആത്മഹത്യാപ്രേരണ, സ്ത്രീധന നിരോധന നിയമം എന്നിവ ചുമത്തി ജാമ്യമില്ലാ വകുപ്പ് പ്രകാരം പോലീസ് കേസെടുത്തിരുന്നു. ഇയാളെ തിരുവനന്തപുരത്ത് എത്തിച്ച് ചോദ്യം ചെയ്തുവരികയാണ്.
ഉയർന്ന സ്ത്രീധനം നൽകാത്തതിന്റെ പേരിൽ വിവാഹാലോചനയിൽ നിന്ന് പിന്മാറിയതിലെ നിരാശയാണ് ആത്മഹത്യയ്ക്ക് കാരണമെന്ന് ഷഹനയുടെ മാതാവും സഹോദരിയും പോലീസിന് മൊഴി നൽകി. ഇതിന്റെ അടിസ്ഥാനത്തിലാണ് കേസ്.