ഇന്ത്യ മുന്നണി നേതാക്കൾ യോഗം ചേർന്നു
Wednesday, December 6, 2023 11:11 PM IST
ന്യൂഡൽഹി: ഇന്ത്യ മുന്നണിയിലെ കക്ഷി നേതാക്കളുടെ യോഗം കോണ്ഗ്രസ് അധ്യക്ഷൻ മല്ലികാർജുൻ ഖാർഗെയുടെ നേതൃത്വത്തിൽ ചേർന്നു.
ലോക്സഭയിലെ കോണ്ഗ്രസ് നേതാക്കളായ രാഹുൽ ഗാന്ധി, അധീർ രഞ്ജൻ ചൗധരി, കെ.സി. വേണുഗോപാൽ, സിപിഎം നേതാക്കളായ സീതാറാം യെച്ചൂരി, എളമരം കരീം, സിപിഎം നേതാവ് ബിനോയ് വിശ്വം, കേരള കോണ്ഗ്രസ്-എം നേതാവ് ജോസ് കെ. മാണി, ആർഎസ്പി നേതാവ് എൻ.കെ. പ്രേമചന്ദ്രൻ, മുസ്ലിം ലീഗ് നേതാവ് ഇ.ടി. മുഹമ്മദ് ബഷീർ, ആംആദ്മി പാർട്ടി നേതാവ് രാഘവ് ഛദ്ദ, ഡിഎംകെ നേതാവ് ഡി. രാജ തുടങ്ങിയവർ യോഗത്തിൽ പങ്കെടുത്തു.
ഖാർഗെയുടെ വസതിയിൽ ചേർന്ന യോഗത്തിൽ ഡിസംബർ മൂന്നാംവാരം നടക്കുന്ന ഇന്ത്യ മുന്നണിയോഗത്തിന്റെ തീയതി തീരുമാനിക്കും. പ്രമുഖ നേതാക്കൾ അസൗകര്യം അറിയിച്ചതിനെത്തുടർന്ന് ഇന്ന് നടത്താനിരുന്ന ഇന്ത്യ മുന്നണി യോഗം മാറ്റി വച്ചിരുന്നു.