കൈക്കുഞ്ഞിനെ കൊലപ്പെടുത്തിയ കേസില് അമ്മയും സുഹൃത്തും റിമാൻഡിൽ
Wednesday, December 6, 2023 11:02 PM IST
കൊച്ചി: കറുകപ്പിള്ളിയിലെ ലോഡ്ജില് ഒരു മാസം പ്രായമുള്ള ആണ്കുഞ്ഞിനെ കൊലപ്പെടുത്തിയ കേസില് അമ്മയും സുഹൃത്തും റിമാൻഡില്. എഴുപുന്ന സ്വദേശിനി അശ്വതി ഓമനക്കുട്ടന് (25), സുഹൃത്ത് കണ്ണൂര് ചക്കരക്കല് സ്വദേശി വി.പി.ഷാനിഫ് (25)എന്നിവരെയാണ് ആലുവ കോടതി 14 ദിവസത്തേയ്ക്ക് റിമാൻഡ് ചെയ്തത്.
ഇരുവരുടെയും അറസ്റ്റ് ചൊവ്വാഴ്ച രാത്രി എളമക്കര പോലീസ് രേഖപ്പെടുത്തിയിരുന്നു. കൊലപാതകം, ബാലനീതി വകുപ്പ് പ്രകാരമുള്ള കുറ്റങ്ങൾ എന്നിവയാണ് ഇവർക്കെതിരെ ചുമത്തിയിട്ടുള്ളത്.
മണിക്കൂറുകള് നീണ്ട ചോദ്യം ചെയ്യലിനൊടുവിലാണ് പ്രതികള് നടന്നതെല്ലാം പോലീസിനോടു വെളിപ്പെടുത്തിയത്. കറുകപ്പിള്ളിയിലുള്ള ലോഡ്ജിലെ 109-ാം മുറിയിലായിരുന്നു കൊലപാതകം.