അഭയാർഥി ക്യാന്പിൽ ആക്രമണം; 25 പേർ കൊല്ലപ്പെട്ടതായി ഹമാസ്
Wednesday, December 6, 2023 2:32 AM IST
ഗാസ സിറ്റി: തെക്കൻ ഗാസയിലെ അഭയാർഥി ക്യാന്പിൽ ഇസ്രയേൽ നടത്തിയ ആക്രമണത്തിൽ 25 പേർ കൊല്ലപ്പെട്ടതായി ഹമാസ്.
യുദ്ധത്തിൽ കുടിയൊഴിപ്പിക്കപ്പെട്ടവർക്ക് അഭയം നൽകുന്ന സ്കൂളിലേക്ക് ഇസ്രയേൽ സേന ആക്രമണം നടത്തുകയായിരുന്നുവെന്ന് ഹമാസ് ആരോഗ്യ മന്ത്രാലയം അറിയിച്ചു.
ഗാസയിലെ രണ്ടാമത്തെ വലിയ നഗരമായ ഖാൻ യൂനിസിൽ ആക്രമണം രൂക്ഷമാണെന്നും പ്രദേശം കരസേന വളഞ്ഞിരിക്കുകയാണെന്നും ഹമാസ് വക്താവ് പറഞ്ഞു.