കൊച്ചിയിൽ ഡെങ്കിപ്പനി പടരുന്നു; കഴിഞ്ഞ ആഴ്ച ചികിത്സതേടിയത് 222പേർ
Wednesday, December 6, 2023 1:15 AM IST
കൊച്ചി: കൊച്ചി കോർപറേഷൻ പരിധിയിൽ ഡെങ്കിപ്പനി പടരുന്നതായി റിപ്പോർട്ട്. കഴിഞ്ഞ ആഴ്ചയിൽ കോർപറേഷൻ പരിധിയിൽ മാത്രം 222 പേർ ചികിത്സതേടി.
അതേസമയം പനി, ജലദോഷം, ശ്വാസകോശ സംബന്ധമായ രോഗങ്ങളും ജില്ലയിൽ കൂടുതൽ റിപ്പോർട്ട് ചെയ്യുന്നതിനാൽ രോഗലക്ഷണങ്ങൾ ഉള്ളവർ ജാഗ്രത പുലർത്തണമെന്ന് ആരോഗ്യവകുപ്പ് അധികൃതർ പറഞ്ഞു.
എറണാകുളം ജില്ലയിൽ കഴിഞ്ഞ ജനുവരി മുതൽ 3478 ഡെങ്കിപ്പനി കേസുകളും നാലു ഡെങ്കിപ്പനി മരണങ്ങളും റിപ്പോർട്ട് ചെയ്തിട്ടുണ്ട്. ഉറവിടനശീകരണത്തിൽ വീഴ്ച വരുത്തുന്നത് കൊണ്ടാണ് ഡെങ്കിപ്പനി കേസുകൾ കൂടാൻ കാരണമെന്നാണ് ആരോഗ്യവകുപ്പ് വ്യക്തമാക്കുന്നത്.