വിജയം ബിജെപിയുടേതല്ല, വോട്ടിംഗ് യന്ത്രത്തിന്റേതെന്ന് സഞ്ജയ് റാവത്ത്
Tuesday, December 5, 2023 9:45 PM IST
മുംബൈ: രാജസ്ഥാൻ, മധ്യപ്രദേശ്, ഛത്തീസ്ഗഡ് എന്നിവിടങ്ങളിലെ തെരഞ്ഞെടുപ്പ് വിജയം ബിജെപിയുടേതല്ലെന്നും വോട്ടിംഗ് യന്ത്രം (ഇവിഎം) മൂലമാണെന്നും ശിവസേന ഉദ്ധവ് വിഭാഗം നേതാവും രാജ്യസഭാംഗവുമായ സഞ്ജയ് റാവത്ത് ആരോപിച്ചു.
"വോട്ടെടുപ്പ് ഫലം അപ്രതീക്ഷിതമാണ്. മധ്യപ്രദേശിലെ ഫലം ഞെട്ടിപ്പിക്കുന്നതാണ്. നാലിൽ മൂന്ന് സംസ്ഥാനങ്ങളിലും വോട്ടിംഗ് മെഷീനിൽ അട്ടിമറി നടന്നതായാണ് സംശയിക്കുന്നത്. ബാലറ്റ് പേപ്പർ ഉപയോഗിച്ച് ഒരു തെരഞ്ഞെടുപ്പ് നടത്താൻ ബിജെപിയെ വെല്ലുവിളിക്കുകയാണെന്നും സഞ്ജയ് റാവത്ത് പറഞ്ഞു.