ഞങ്ങളുടെ പദ്ധതികൾ ജനങ്ങളിൽ എത്തിക്കുന്നതിൽ വിജയിച്ചില്ല; ജനവിധി അംഗീകരിക്കുന്നുവെന്ന് ഗെഹ്ലോട്ട്
Sunday, December 3, 2023 5:03 PM IST
ജയ്പുർ: ഞങ്ങളുടെ പദ്ധതികൾ ജനങ്ങളിൽ എത്തിക്കുന്നതിൽ വിജയിച്ചില്ലെന്ന് രാജസ്ഥാൻ മുഖ്യമന്ത്രി അശോക് ഗെഹ്ലോട്ട്. രാജസ്ഥാനിലെ ജനങ്ങൾ നൽകിയ ജനവിധി ഞങ്ങൾ വിനയപൂർവം സ്വീകരിക്കുന്നു. ഇത് എല്ലാവർക്കും അപ്രതീക്ഷിത ഫലമാണെന്നും അദ്ദേഹം പറഞ്ഞു.
ഞങ്ങളുടെ പദ്ധതികളും പുതുമകളും പൊതുജനങ്ങളിലേക്ക് എത്തിക്കുന്നതിൽ ഞങ്ങൾ പൂർണമായി വിജയിച്ചില്ലെന്നാണ് ഈ തോൽവി കാണിക്കുന്നത്. പുതിയ സർക്കാരിന് എല്ലാ ആശംസകളും നേരുന്നുവെന്നും ഗെഹ്ലോട്ട് കൂട്ടിച്ചേർത്തു.