മധ്യപ്രദേശില് തകര്ന്നടിഞ്ഞ് കോണ്ഗ്രസ്; ബിജെപിക്ക് മിന്നുന്ന വിജയം
Sunday, December 3, 2023 12:24 PM IST
ഭോപ്പാല്: മധ്യപ്രദേശില് തിളക്കമാര്ന്ന വിജയത്തോടെ ഭരണതുടര്ച്ച സ്വന്തമാക്കാന് ബിജെപി. കോണ്ഗ്രസിനെ ബഹുദൂരം പിന്നിലാക്കിയാണ് സംസ്ഥാനത്ത് ബിജെപി കുതിപ്പ് തുടരുന്നത്.
ആകെ 230 സീറ്റുകളിലേക്ക് നടന്ന നിയമസഭാ തെരഞ്ഞെടുപ്പില് 157 സീറ്റുകളില് ബിജെപി ലീഡ് നിലനിര്ത്തി. കോണ്ഗ്രസ്-70, മറ്റുള്ളവര്-മൂന്ന് എന്നിങ്ങനെയാണ് ലീഡ് നില.
ഇന്ത്യ മുന്നണിയുടെ പ്രതീക്ഷകള്ക്ക് മങ്ങലേല്പ്പിക്കുന്ന കാഴ്ചയാണ് മധ്യപ്രദേശ് അടക്കമുള്ള മൂന്ന് സംസ്ഥാനങ്ങളില്നിന്ന് പുറത്തുവരുന്നത്. കോണ്ഗ്രസുമായുള്ള ചര്ച്ച പരാജയപ്പെട്ടതിന് പിന്നാലെ സമാജ്വാദി പാര്ട്ടിയും ആംആദ്മി പാര്ട്ടിയും ജെഡിയുവുമെല്ലാം മധ്യപ്രദേശിൽ സ്വന്തം സ്ഥാനാര്ഥികളെ പ്രഖ്യാപിച്ചിരുന്നു.
ഇതും കോണ്ഗ്രസിന്റെ കനത്ത തോല്വിക്ക് കാരണമായെന്നാണ് വിലയിരുത്തല്.