കോണ്ഗ്രസിന്റെ പരാജയത്തിന് കാരണം തമ്മിലടി: മന്ത്രി റിയാസ്
Sunday, December 3, 2023 11:38 AM IST
പാലക്കാട്: നാല് സംസ്ഥാനങ്ങളില് നടന്ന നിയമസഭാ തെരഞ്ഞെടുപ്പിന്റെ ഫലം പുറത്തുവരുന്നതിനിടെ കോണ്ഗ്രസിനെതിരേ വിമര്ശനവുമായി മന്ത്രി മുഹമ്മദ് റിയാസ്. രാജസ്ഥാനിലും ഛത്തീസ്ഗഡിലും മധ്യപ്രദേശിലും കോണ്ഗ്രസ് പരാജയപ്പെടാന് കാരണം പാര്ട്ടിക്കുളളിലെ തമ്മിലടിയാണെന്ന് റിയാസ് വിമര്ശിച്ചു.
വര്ഗീയതക്കെതിരെ മതനിരപേക്ഷ കാഴ്ചപ്പാട് തുടരാന് കോണ്ഗ്രസിന് കഴിയാത്ത സ്ഥിതിയാണുളളത്. ഇനിയെങ്കിലും തോല്വിയില് നിന്ന് കോണ്ഗ്രസ് പാഠം ഉള്കൊള്ളണമെന്നും റിയാസ് പ്രതികരിച്ചു.
നിലവില് മൂന്ന് സംസ്ഥാനങ്ങളില് ബിജെപിയാണ് മുന്നിലുള്ളത്. മധ്യപ്രദേശ് രാജസ്ഥാന് സംസ്ഥാനങ്ങളില് നേരത്തേ തന്നെ ബിജെപി വ്യക്തമായ ലീഡ് നേടിയിരുന്നു. ഛത്തീസ്ഗഡില് ആദ്യ ഘട്ടത്തില് ഇഞ്ചോടിഞ്ഞ് പോരാട്ടം തുടര്ന്നെങ്കിലും നിലവില് ബിജെപി ലീഡുയര്ത്തിയിട്ടുണ്ട്. തെലുങ്കനാനയില് മാത്രമാണ് കോണ്ഗ്രസിന് മികച്ച മുന്നേറ്റമുണ്ടാക്കാന് സാധിച്ചത്.