തെലുങ്കാനയില് നിഷ്പ്രഭമായി ബിആര്എസ്, കോണ്ഗ്രസ് വിജയത്തിലേക്ക്
Sunday, December 3, 2023 9:52 AM IST
ഹൈദരാബാദ്: തെലുങ്കാനയിൽ ബിആർഎസിനെ ബഹുദൂരം പിന്നിലാക്കി കോൺഗ്രസ് വിജയത്തിലേക്ക്. ആകെ 119 നിയമസഭാ സീറ്റുകളിലേക്ക് നടന്ന തെരഞ്ഞെടുപ്പിൽ നിലവിൽ 70 സീറ്റുകളിൽ കോൺഗ്രസിന് ലീഡുണ്ട്.
ബിആർഎസ്-30, ബിജെപി-ആറ്, മറ്റുള്ളവർ- ആറ് എന്നിങ്ങനെയാണ് ലീഡ് നില. വോട്ടെണ്ണലിന്റെ ആദ്യ മിനിറ്റുകൾ മുതൽ ഒരു ഘട്ടത്തിലും നിലവിലെ ഭരണകക്ഷിയായ ബിആർഎസിന് ലീഡ് ഉയർത്താനായില്ല. ഭരണവിരുദ്ധവികാരം വോട്ടെടുപ്പിൽ ശക്തമായി പ്രതിഫലിച്ചെന്നാണ് വിലയിരുത്തൽ.
മത്സരിച്ച രണ്ട് മണ്ഡലങ്ങളിലും മുഖ്യമന്ത്രി കെ.ചന്ദ്രശേഖര് റാവുവിനും അടിപതറി. കാമറെഡ്ഡി, ഗജ്വല് മണ്ഡലങ്ങളിലാണ് കെസിആര് ജനവിധി തേടിയത്. രണ്ടിടത്തും കെസിആര് പിന്നിലാണ്.
നവംബര് 30 നായിരുന്നു തെലുങ്കാനയില് വോട്ടെടുപ്പ് നടന്നത്. അതിന് ശേഷം പുറത്ത് വന്ന ഭൂരിഭാഗം എക്സിറ്റ് പോളുകളും കോണ്ഗ്രസിനാണ് ജയം പ്രവചിച്ചത്. ഇത് അക്ഷരാര്ത്ഥത്തില് ശരിവയ്ക്കുന്ന ഫലസൂചനകളാണ് പുറത്തുവരുന്നത്.