തെലുങ്കാനയില് കോണ്ഗ്രസിന് വന് മുന്നേറ്റം; 60 സീറ്റുകളിൽ ലീഡ്
Sunday, December 3, 2023 9:04 AM IST
ഹൈദരാബാദ്: നിയമസഭാ തെരഞ്ഞെടുപ്പിന്റെ വോട്ടെണ്ണല് പുരോഗമിക്കുന്ന തെലുങ്കാനയില് കോണ്ഗ്രസിന് വന് മുന്നേറ്റം. നിലവില് 60 സീറ്റുകളില് കോണ്ഗ്രസ് മുന്നിലാണ്.
ബിആര്എസ് -33, ബിജെപി- മൂന്ന്, മറ്റുള്ളവര് - ആറ് എന്നിങ്ങനെയാണ് ലീഡ് നില. ആകെ 119 നിയമസഭാ സീറ്റുകളിലേക്ക് നടന്ന വോട്ടെടുപ്പില് കേവലഭൂരിപക്ഷത്തിന് വേണ്ടത് 60 സീറ്റുകളാണ്. ആദ്യ ഒരു മണിക്കൂര് മാത്രം പിന്നിടുമ്പോളാണ് കോണ്ഗ്രസ് 60 സീറ്റുകളില് ലീഡുയര്ത്തിയത്.
നവംബര് 30 നായിരുന്നു തെലുങ്കാനയില് വോട്ടെടുപ്പ് നടന്നത്. അതിന് ശേഷം പുറത്ത് വന്ന ഭൂരിഭാഗം എക്സിറ്റ് പോളുകളും കോണ്ഗ്രസിനാണ് ജയം പ്രവചിച്ചത്. ഇത് അക്ഷരാര്ത്ഥത്തില് ശരിവയ്ക്കുന്ന ഫലസൂചനകളാണ് പുറത്തുവരുന്നത്.