യുഡിഎഫിന്റെ കുറ്റവിചാരണ സദസിന് ശനിയാഴ്ച തുടക്കം
Friday, December 1, 2023 9:25 PM IST
തിരുവനന്തപുരം: യുഡിഎഫിന്റെ കുറ്റവിചാരണ സദസിന് ശനിയാഴ്ച തുടക്കമാകും. മുഖ്യമന്ത്രിയുടെ നേതൃത്വത്തില് നടക്കുന്ന നവ കേരള സദസിന് ബദലായാണ് പ്രതിപക്ഷത്തിന്റെ കുറ്റവിചാരണ സദസ്.
സംസ്ഥാനത്തെ മുഴുവൻ നിയോജക മണ്ഡലങ്ങളിലും മുഖ്യമന്ത്രിയേയും മന്ത്രിമാരെയും പ്രതീകാത്മകമായി വിചാരണ ചെയ്യും. മുഖ്യമന്ത്രിയുടെ മണ്ഡലമായ ധര്മ്മടത്ത് എഐസിസി ജനറല് സെക്രട്ടറി കെ.സി. വേണുഗോപാല് പരിപാടി ഉദ്ഘാടനം ചെയ്യും.
മന്ത്രി പി.എ. മുഹമ്മദ് റിയാസിന്റെ മണ്ഡലമായ ബേപ്പൂരില് പ്രതിപക്ഷ നേതാവ് വി.ഡി. സതീശനും നേമത്ത് കെപിസിസി അധ്യക്ഷൻ കെ. സുധാകരനും ഉദ്ഘാടനം ചെയ്യും.
താനൂരില് പ്രതിപക്ഷ ഉപനേതാവ് പി കെ കുഞ്ഞാലിക്കുട്ടിയാണ് വിചാരണ സദസ് ഉദ്ഘാടനം ചെയ്യുക. ആദ്യദിവസം 12 നിയോജകമണ്ഡലങ്ങളിലാണ് പ്രതിഷേധം സംഘടിപ്പിക്കുക. ജനപ്രതിനിധികളും സംസ്ഥാന നേതാക്കളും വിചാരണ സദസില് പങ്കെടുക്കും.