ഭക്ഷണം തൊണ്ടയിൽ കുടുങ്ങി ഒന്നരവയസുകാരൻ മരിച്ചു
Friday, December 1, 2023 3:21 PM IST
ആലപ്പുഴ: മാവേലിക്കരയിൽ ഭക്ഷണം തൊണ്ടയിൽ കുടുങ്ങി ഒന്നരവയസുകാരൻ മരിച്ചു. മാങ്കാംകുഴി മലയിൽപടീറ്റേതിൽ വിജീഷ്-ദിവ്യാ ദാസ് ദമ്പതികളുടെ മകൻ വൈഷ്ണവ് ആണ് മരിച്ചത്.
വീട്ടിലുണ്ടായിരുന്ന മുറുക്ക് കുട്ടി എടുത്തുകഴിക്കുകയായിരുന്നു. ഈസമയം വീട്ടിൽ അമ്മയും വൈഷ്ണവിന്റെ ഇരട്ടസഹോദരി വൈഗയും മാത്രമാണുണ്ടായിരുന്നത്.
തൊണ്ടയിൽ കുടുങ്ങിയതോടെ കൊല്ലംകടവിലെ ആശുപത്രിയിലേക്ക് കൊണ്ടുപോയെങ്കിലും വഴിയിൽവച്ച് മരണം സംഭവിക്കുകയായിരുന്നു.