മുഖ്യമന്ത്രിക്ക് കരിങ്കൊടി; മലപ്പുറത്ത് യൂത്ത് കോൺഗ്രസ്- ഡിവൈഎഫ്ഐ സംഘർഷം
Friday, December 1, 2023 4:03 AM IST
വണ്ടൂർ: മുഖ്യമന്ത്രിയെ കരിങ്കൊടി കാണിച്ചതിന്റെ പേരിൽ മലപ്പുറം വണ്ടൂർ താഴെ ചെട്ടിയാറയിൽ യൂത്ത് കോൺഗ്രസ് - ഡിവൈഎഫ്ഐ സംഘർഷം. സംഘർഷത്തിൽ പരിക്കേറ്റ യൂത്ത് കോൺഗ്രസ് മണ്ഡലം പ്രസിഡന്റ് സി.പി. സിറാജിനെ ആശുപത്രിയിൽ പ്രവേശിപ്പിച്ചു.
പ്രതിഷേധിച്ചവരെ ഡിവൈഎഫ്ഐ പ്രവർത്തകർ ആക്രമിക്കുകയായിരുന്നുവെന്ന് യൂത്ത് കോൺഗ്രസ് ആരോപിച്ചു. മുഖ്യമന്ത്രിയും മന്ത്രിമാരും പെരിന്തല്മണ്ണയിലെ നവകേരളാ സദസിൽ പങ്കെടുക്കാനായി പോകുമ്പോഴായിരുന്നു കരിങ്കൊടി വീശിയത്.
കരിങ്കൊടി കാണിച്ചവരെ നേരിടുന്നതിനിടെ പോലീസിന്റെ അകമ്പടി വാഹനത്തില് നിന്നും തെറിച്ചു വീണ ലാത്തിയുമായി യൂത്ത് കോണ്ഗ്രസ് പ്രവര്ത്തകര് പ്രകടനവും നടത്തി.