അനധികൃത സ്വത്ത്: എ.പി. ജയനെ സിപിഐ പത്തനംതിട്ട ജില്ലാ സെക്രട്ടറി സ്ഥാനത്തുനിന്ന് നീക്കി
Thursday, November 30, 2023 6:15 PM IST
പത്തനംതിട്ട: സിപിഐ പത്തനംതിട്ട ജില്ലാ സെക്രട്ടറി എ.പി. ജയനെ നീക്കി. അനധികൃത സ്വത്ത് സമ്പാദനം നടത്തിയെന്ന് കാട്ടി ജില്ലാ പഞ്ചായത്തംഗം ശ്രീനാ ദേവി കുഞ്ഞമ്മ നല്കിയ പരാതിയിലാണ് നടപടി.
മുല്ലക്കര രത്നാകരനാണ് പകരം ചുമതല നല്കിയിരിക്കുന്നത്. ജയന്റെ അടൂരിലെ ഫാമിനെക്കുറിച്ചാണ് ഇവര് പരാതി ഉന്നയിച്ചിരിക്കുന്നത്. അനധികൃതമായി സര്ക്കാര് പണം കൈപ്പറ്റി പഞ്ചായത്തിനെ ദുരുപയോഗം ചെയ്ത് കൊണ്ടാണ് ഫാം പ്രവര്ത്തിപ്പിക്കുന്നതെന്ന് ഉള്പ്പെടെ ചൂണ്ടിക്കാട്ടിയായിരുന്നു പരാതി.
ഇക്കാര്യം അന്വേഷിക്കാന് സിപിഐ സംസ്ഥാന കമ്മിറ്റി ഒരു അന്വേഷണ കമ്മിഷനേയും നിയമിച്ചിരുന്നു. ആരോപണങ്ങള് കൃത്യമാണെന്ന് അന്വേഷണ കമ്മീഷന് ബോധ്യപ്പെട്ടതിന്റെ അടിസ്ഥാനത്തിലാണ് ജയനെ ജില്ലാ സെക്രട്ടറി സ്ഥാനത്തുനിന്ന് നീക്കിയിരിക്കുന്നത്.