സംസ്ഥാന സ്കൂൾ ശാസ്ത്രമേളയ്ക്ക് ഇന്ന് കൊടിയേറും
Thursday, November 30, 2023 7:37 AM IST
തിരുവനന്തപുരം: കണ്ടുപിടുത്തങ്ങളുടെയും കരവിരുതിന്റെയും വിസ്മയലോകം തീർക്കുന്ന സംസ്ഥാന സ്കൂൾ ശാസ്ത്രമേളയ്ക്ക് ഇന്ന് കൊടിയേറും.
രാവിലെ 10.30ന് പ്രധാനവേദിയായ തിരുവനന്തപുരം കോട്ടൺഹിൽ ഗവ. ഗേൾസ് എച്ച്എസ്എസിൽ പൊതുവിദ്യാഭ്യാസ ഡയറക്ടർ എസ്. ഷാനവാസ് പതാക ഉയർത്തോടെ മേളയ്ക്കു തുടക്കമാകും.
180 ഇനങ്ങളിലായി 7500 ഓളം വിദ്യാർഥികൾ ഇനിയുള്ള നാലുനാൾ തലസ്ഥാന നഗരിയിൽ തങ്ങളുടെ കരവിരുതുകൾ പ്രദർശിപ്പിക്കും.11ന് സംഘടിപ്പിക്കുന്ന ചടങ്ങിൽ നിയമസഭാ സ്പീക്കർ എ.എൻ.ഷംസീർ ശാസ്ത്രമേളയുടെ ഔപചാരിക ഉദ്ഘാടനം നിർവഹിക്കും.
മേയർ ആര്യ രാജേന്ദ്രൻ, പൊതുവിദ്യാഭ്യാസ പ്രിൻസിപ്പൽ സെക്രട്ടറി റാണി ജോർജ് തുടങ്ങിയവർ പങ്കെടുക്കും.