അമിത് ഷായ്ക്കെതിരായ മോശം പരാമർശം; രാഹുല് ഗാന്ധിക്ക് സമന്സ്
Wednesday, November 29, 2023 12:56 AM IST
ബംഗുളൂരു: കോണ്ഗ്രസ് നേതാവ് രാഹുല് ഗാന്ധിക്ക് കോടതി സമന്സ്. ഉത്തര്പ്രദേശ് സുല്ത്താന്പൂരിലെ എംപി-എംഎല്എ കോടതിയാണ് സമന്സ് അയച്ചിരിക്കുന്നത്. ഡിസംബര് 16ന് കോടതിയിൽ ഹാജരാകണമെന്നാണ് നിര്ദേശം.
ആഭ്യന്തരമന്ത്രി അമിത് ഷായെക്കുറിച്ച് മോശം പരാമര്ശം നടത്തിയെന്ന കേസിലാണ് നടപടി. 2018ല് കർണാടക തെരഞ്ഞെടുപ്പിനിടെ ബംഗളൂരുവില് നടന്ന വാര്ത്താ സമ്മേളനത്തില് അമിത് ഷാ കൊലപാതകിയാണെന്ന് രാഹുല് ഗാന്ധി ആരോപിച്ചിരുന്നു.
ഇതേതുടർന്ന് ബിജെപി നേതാവ് വിജയ് മിശ്ര രാഹുൽ ഗാന്ധിക്കെതിരെ പരാതി നൽകുകയായിരുന്നു. രണ്ട് വര്ഷം വരെ ശിക്ഷ ലഭിക്കാവുന്ന കുറ്റമാണ് രാഹുല് ചെയ്തിരിക്കുന്നതെന്ന് മിശ്രയ്ക്ക് വേണ്ടി ഹാജരായ അഭിഭാഷകന് പറഞ്ഞു.