പ്രായപൂർത്തിയാകാത്ത പെൺകുട്ടിക്ക് പീഡനം; പ്രതിക്ക് 20 വർഷം തടവ് ശിക്ഷ
Wednesday, November 29, 2023 12:13 AM IST
ലക്നോ: ഉത്തർപ്രദേശിൽ പ്രായപൂർത്തിയാകാത്ത പെൺകുട്ടിയെ തട്ടിക്കൊണ്ടുപോയി പീഡിപ്പിച്ചയാൾക്ക് 20 വർഷം തടവുശിക്ഷ. 15കാരിക്ക് നേരെയാണ് അതിക്രമമുണ്ടായത്.
മുസാഫർനഗറിൽ ഏപ്രിൽ 26നാണ് സംഭവം നടന്നത്. റോബിൻ എന്നയാൾ പെൺകുട്ടിയെ തട്ടിക്കൊണ്ടുപോവുകയും തടവിലാക്കി നാലു ദിവസത്തോളം തുടർച്ചയായി പീഡിപ്പിച്ചു എന്നാണ് കേസ്.
മുസാഫർനഗറിലെ പോക്സോ കോടതിയാണ് വിധി പറഞ്ഞത്. പ്രതിയിയിൽ നിന്നും 33,000 രൂപ പിഴയീടാക്കണമെന്നും കോടതി വിധിച്ചു.