മലയാളി യുവതി നേവി ഹോസ്റ്റലിൽ ജീവനൊടുക്കി
Tuesday, November 28, 2023 5:28 PM IST
മുംബൈ: അഗ്നിവീർ പരിശീലനത്തിലുള്ള മലയാളി യുവതി മുംബൈയിലെ നേവി ഹോസ്റ്റലിൽ ജീവനൊടുക്കി. അപർണ നായർ (20) ആണ് തിങ്കളാഴ്ച രാവിലെ ജീവനൊടുക്കിയതെന്ന് മുംബൈ പോലീസ് അറിയിച്ചു. സംഭവത്തിൽ മുംബൈ മൽവാനി പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
ആത്മഹത്യ കുറിപ്പൊന്നും കണ്ടെടുത്തിട്ടില്ലെന്നും പോലീസ് അറിയിച്ചു. പ്രാഥമിക പരിശീലനം പൂർത്തിയാക്കിയ ശേഷം 15 ദിവസമായി മൽവാനിയിലെ ഹംലയിൽ ഇന്ത്യൻ നേവി ഷിപ്പിൽ പരിശീലനത്തിലായിരുന്നു അപർണ.