രാത്രി കഴിഞ്ഞത് വലിയ വീട്ടിലെന്ന് അബിഗേല്
Tuesday, November 28, 2023 3:44 PM IST
കൊല്ലം: തിങ്കളാഴ്ച രാത്രി കഴിഞ്ഞത് വാഹനത്തിലല്ല, വലിയ ഒരു വീട്ടിലാണെന്ന് ഓയൂരില് നാലംഗസംഘം തട്ടിക്കൊണ്ടുപോയ ആറ് വയസുകാരി അബിഗേല് സാറാ റെജി.
മൂന്ന് പുരുഷന്മാരും ഒരു സ്ത്രീയുമാണ് ഒപ്പമുണ്ടായിരുന്നത്. രാത്രി ഉറങ്ങാന് കഴിഞ്ഞെന്നും പോലീസുകാരുടെ ചോദ്യത്തിന് കുട്ടി മറുപടി പറഞ്ഞു.
നിലവില് അബിഗേല് പിതാവ് റെജിക്കൊപ്പം കൊല്ലം എആര് ക്യാമ്പിലുണ്ട്. നിയമപരമായ നടപടികള്ക്ക് ശേഷം കുട്ടിയുമായി വീട്ടിലേക്ക് മടങ്ങും.
ഇന്ന് ഉച്ചയ്ക്കാണ് കുട്ടിയെ കൊല്ലം ആശ്രാമം മൈതാനത്തുനിന്ന് കണ്ടെത്തിയത്. ആഗ്രഹിക്കുന്ന മോചനദ്രവ്യം ലഭിക്കില്ലെന്ന് ബോധ്യപ്പെട്ടതോടെ കുട്ടിയെ ഉപേക്ഷിച്ച് സംഘം കടന്ന് കളഞ്ഞതാകാമെന്നാണ് നിഗമനം. കുട്ടിയുടെ ആരോഗ്യനില തൃപ്തികരമാണ്.