തി​രു​വ​ന​ന്ത​പു​രം: ആ​രോ​ഗ്യ​മ​ന്ത്രി വീ​ണാ ജോ​ര്‍​ജി​ന്‍റെ ഓ​ഫീ​സു​മാ​യി ബ​ന്ധ​പ്പെ​ട്ട നി​യ​മ​ന​ക്കോ​ഴ​ക്കേ​സി​ല്‍ അ​ഖി​ല്‍ സ​ജീ​വ​നെ​യും ലെ​നി​ൻ രാ​ജി​നെ​യും പ്ര​തി ചേ​ര്‍​ത്തു.

വ​ഞ്ച​ന, ആ​ൾ​മാ​റാ​ട്ടം എ​ന്നീ കു​റ്റ​ങ്ങ​ൾ ചു​മ​ത്തി​യാ​ണ് ഇ​രു​വ​രെ​യും പ്ര​തി ചേ​ർ​ത്തി​രി​ക്കു​ന്ന​ത്. ബാ​സി​തി​നെ പ്ര​തി​ചേ​ർ​ക്കു​ന്ന​ത് പി​ന്നീ​ട് തീ​രു​മാ​നി​ക്കും. ഇ​ത് സം​ബ​ന്ധി​ച്ച് ക​ന്‍റോ​ൺ​മെ​ന്‍റ് പോ​ലീ​സ് ചൊ​വ്വാ​ഴ്ച കോ​ട​തി​യി​ൽ റി​പ്പോ​ർ​ട്ട് ന​ൽ​കും.

നി​ല​വി​ല്‍ ഈ ​കേ​സി​ല്‍ ഇ​തു​വ​രെ ആ​രെ​യും പ്ര​തി​ചേ​ര്‍​ത്തി​രു​ന്നി​ല്ല. നി​യ​മ​ന​ത്ത​ട്ടി​പ്പു​മാ​യി ബ​ന്ധ​പ്പെ​ട്ട് ഇ​രു​വ​രു​ടെ​യും അ​ക്കൗ​ണ്ടി​ല്‍ പ​ണ​മെ​ത്തി​യ​താ​യി ക​ന്‍റോ​ണ്‍​മെ​ന്‍റ് പോ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ല്‍ ക​ണ്ടെ​ത്തി. ത​ട്ടി​പ്പി​ല്‍ കൂ​ടു​ത​ല്‍ പേ​ര്‍ ഉ​ള്‍​പ്പെ​ട്ടി​ട്ടു​ണ്ട​ന്നാ​ണ് പോ​ലീ​സി​ന്‍റെ നി​ഗ​മ​നം.

ഹ​രി​ദാ​സ​നി​ൽ നി​ന്നും ലെ​നി​ൻ 50,000 രൂ​പ​യും അ​ഖി​ൽ സ​ജീ​വ​ൻ 25,000 രൂ​പ​യും വാ​ങ്ങി​യെ​ന്നാ​ണ് ക​ണ്ടെ​ത്തി​യി​രി​ക്കു​ന്ന​ത്. ര​ണ്ടു പ്ര​തി​ക​ളും ഒ​ളി​വി​ലാ​ണെ​ന്ന് പോ​ലീ​സ് അ​റി​യി​ച്ചു.

മ​ല​പ്പു​റം സ്വ​ദേ​ശി​യാ​യ ഹ​രി​ദാ​സ​ന്‍റെ മ​രു​മ​ക​ളു​ടെ ഡോ​ക്ട​ര്‍ നി​യ​മ​ന​ത്തി​നാ​യി ഇ​ട​നി​ല​ക്കാ​ര​നാ​യ അ​ഖി​ല്‍ സ​ജീ​വും മ​ന്ത്രി​യു​ടെ പേ​ഴ്‌​സ​ണ​ല്‍ സ്റ്റാ​ഫ് അം​ഗം അ​ഖി​ല്‍ മാ​ത്യു​വും പ​ണം വാ​ങ്ങി​യെ​ന്നാ​ണ് ആ​രോ​പ​ണം. പ​രാ​തി​യി​ല്‍ പോ​ലീ​സ് നേ​ര​ത്തേ ഹ​രി​ദാ​സ​ന്‍റെ മൊ​ഴി​യെ​ടു​ത്തി​രു​ന്നു.