നിയമസഭയിൽ അശ്ലീല വിഡിയോ കണ്ട ത്രിപുര ബിജെപി എംഎൽഎ വെട്ടിൽ |

Click here for detailed news of all items

നിയമസഭയിൽ അശ്ലീല വിഡിയോ കണ്ട ത്രിപുര ബിജെപി എംഎൽഎ വെട്ടിൽ

Thursday, March 30, 2023 6:36 PM IST

ഗോഹട്ടി: ത്രിപുരയിൽ നിയമസഭാ സമ്മേളനത്തിനിടെ മൊബൈൽ ഫോണിൽ അശ്ലീല വിഡിയോ കണ്ട ബിജെപി എംഎൽഎ വെട്ടിൽ. ബാഗബാസ മണ്ഡലം എംഎൽഎ ജാദവ് ലാൽ നാഥ് ആണ് വെട്ടിലായത്.

ബജറ്റുമായി ബന്ധപ്പെട്ട വിഷയം ചർച്ച ചെയ്യുന്നതിനിടെയായിരുന്നു എംഎൽഎ അശ്ലീല വിഡിയോ കണ്ടത്. പിന്നിലിരുന്ന ആളാണ് ജാദവ് ലാലിന്‍റെ ചെയ്തി പകർത്തിയത്. ഫോണിൽ‌ വീഡിയോ ക്ലിപ്പുകൾ സ്ക്രോൾ ചെയ്യുകയും ഒരു അശ്ലീല ക്ലിപ്പിലെത്തി അത് പ്ലേ ചെയ്തു കാണുകയും ചെയ്യുന്നതാണ് പിന്നിലിരുന്നയാൾ പകർത്തിയത്.

സംഭവം സമൂഹമാധ്യമങ്ങളിലൂടെ പ്രചരിച്ചതോടെ ബിജെപിക്ക് നാണക്കേടായി. പാർട്ടി ജാദവ് ലാലിനോട് വിശദീകരണം ചോദിച്ചിട്ടുണ്ട്. ആരോപണങ്ങളോട് ജാദവ് ലാൽ ഇതുവരെ പ്രതികരിച്ചിട്ടില്ല.

ഇതാദ്യമായല്ല ഒരു എംഎൽഎ നിയമസഭയ്ക്ക് ‌അകത്തിരുന്ന് അശ്ലീല വിഡിയോ കാണുന്നത്. 2012ൽ കർണാടക നിയമസഭയിൽ ലക്ഷ്മൺ സാവദി, സി.സി. പാട്ടിൽ എന്നീ മന്ത്രിമാർ മൊബൈലിൽ അശ്ലീല വിഡിയോ കാണുകയും വിവാദമായതോടെ അവർ രാജിവയ്ക്കുകയും ചെയ്തിരുന്നു. പിന്നീട് നിരപരാധിത്വം തെളിയിച്ച് വീണ്ടും അധികാരത്തിൽ എത്തുകയും ചെയ്തു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.