അഴിമതിക്കേസിലെ പ്രതിയായ ഡിവൈഎസ്പി വിജിലന്സ് റെയ്ഡിനിടെ മുങ്ങി
Thursday, March 23, 2023 8:57 AM IST
തിരുവനന്തപുരം: അഴിമതിക്കേസിലെ പ്രതിയായ ഡിവൈഎസ്പി മുങ്ങി. വിജിലന്സ് ഡിവൈഎസ്പി പി.വേലായുധന് നായരാണ് ഇയാളുടെ വീട്ടില് വിജിലന്സ് പരിശോധന നടത്തുന്നതിനിടെ പിന്വാതിലിലൂടെ രക്ഷപ്പെട്ടത്.
അനധികൃത സ്വത്ത് സമ്പാദന കേസിലെ പ്രതിയുമായി പണമിടപാട് നടത്തിയെന്ന് കണ്ടെത്തിയതിനെ തുടര്ന്നാണ് ഡിവൈഎസ്പിക്കെതിരെ കേസെടുത്തത്. തിരുവല്ല മുന്സിപ്പല് സെക്രട്ടറി എസ്.നാരായണനെ 25,000 രൂപ കൈക്കൂലി വാങ്ങുന്നതിനിടെ വിജിലന്സ് പിടികൂടിയിരുന്നു.
നാരായണനുമായി തിരുവനന്തപുരം വിജിലന്സ് സ്പെഷല് സെല് ഡിവൈഎസ്പിയായ പി. വേലായുധന് നായര് സാമ്പത്തിക ഇടപാട് നടത്തിയതായി തെളിവ് ലഭിച്ചിരുന്നു.
ഇതിന് പിന്നാലെയാണ് ഇയാളുടെ കഴക്കൂട്ടത്തെ വീട്ടില് റെയ്ഡ് നടത്തിയത്. ബുധനാഴ്ച നടന്ന റെയ്ഡില് ഇയാളുടെ ഫോണും ബാങ്ക് രേഖകളും വിജിലന്സ് സംഘം പിടിച്ചെടുത്തിരുന്നു.
നാരായണനെതിരെ വിജിലന്സ് സ്പെഷല് സെല്ലിലുണ്ടായിരുന്ന അനധികൃത സ്വത്ത് സമ്പാദന കേസ് നേരത്തെ അന്വേഷിച്ചത് വേലായുധന് നായരായിരുന്നു.