Latest News
വെ​ടി​വ​ച്ചി​ട്ട ബ​ലൂ​ണി​ന്‍റെ അ​വ​ശി​ഷ്ട​ങ്ങ​ൾ ചൈ​ന​യ്ക്ക് കൈ​മാ​റി​ല്ല: യു​എ​സ്
വെ​ടി​വ​ച്ചി​ട്ട ബ​ലൂ​ണി​ന്‍റെ അ​വ​ശി​ഷ്ട​ങ്ങ​ൾ ചൈ​ന​യ്ക്ക് കൈ​മാ​റി​ല്ല: യു​എ​സ്
Wednesday, February 8, 2023 1:35 PM IST
വാ​ഷിം​ഗ്ട​ൺ: യു​എ​സ് വ്യോ​മ​സേ​ന വെ​ടി​വ​ച്ചി​ട്ട ചൈ​ന​യു​ടെ ആ​ളി​ല്ലാ​ത്ത ബ​ലൂ​ൺ സ​ഞ്ചാ​ര​പേ​ട​ക​ത്തി​ന്‍റെ അ​വ​ശി​ഷ്ട​ങ്ങ​ൾ പൂ​ർ​ണ​മാ​യും വീ​ണ്ടെ​ടു​ക്കാ​ൻ ശ്ര​മം. അ​റ്റ്ലാ​ന്റി​ക് സ​മു​ദ്ര​ത്തി​ൽ വീ​ണ അ​വ​ശി​ഷ്ട​ങ്ങ​ൾ വീ​ണ്ടെ​ടു​ത്ത് വി​ശ​ദ​മാ​യ ഇ​ന്‍റ​ലി​ജ​ൻ​സ് പ​രി​ശോ​ധ​ന​യ്ക്ക് വി​ധേ​യ​മാ​ക്കാ​നാ​ണ് നീ​ക്കം. സ​മു​ദ്ര​ത്തി​നു മു​ക​ളി​ൽ നി​ന്ന് ചി​ല അ​വ​ശി​ഷ്ട​ങ്ങ​ൾ ല​ഭി​ച്ചെ​ങ്കി​ലും ക​ട​ലി​ന​ടി​യി​ലും പ​രി​ശോ​ധ​ന ന​ട​ത്താ​നാ​ണ് തീ​രു​മാ​നം.

അ​തേ​സ​മ​യം, വീ​ണ്ടെ​ടു​ക്കു​ന്ന അ​വ​ശി​ഷ്ട​ങ്ങ​ൾ ചൈ​ന​യ്ക്കു കൈ​മാ​റാ​ൻ പ​ദ്ധ​തി​യി​ല്ലെ​ന്നും യു​എ​സ് അ​ധി​കൃ​ത​ർ വ്യ​ക്ത​മാ​ക്കി. കാ​ലാ​വ​സ്ഥാ​പ​ഠ​ന​ത്തി​നു​ള്ള ബ​ലൂ​ണാ​ണി​തെ​ന്നും അ​ബ​ദ്ധ​ത്തി​ൽ അ​മേ​രി​ക്ക​യു​ടെ ആ​കാ​ശ​ത്തു പ്ര​വേ​ശി​ച്ച​താ​ണെ​ന്നു​മാ​ണു ചൈ​ന പ​റ​യു​ന്ന​ത്. എ​ന്നാ​ൽ ചാ​ര​പ്ര​വ​ർ​ത്ത​നം ത​ന്നെ​യാ​ണ് ഉ​ദ്ദേ​ശ്യ​മെ​ന്ന മ​റു​വാ​ദ​ത്തി​ൽ ഉ​റ​ച്ച് നി​ൽ​ക്കു​ക​യാ​ണ് യു​എ​സ്.


വ​ട​ക്കേ അ​മേ​രി​ക്ക​യി​ലെ സൈ​നി​ക കേ​ന്ദ്രം ല​ക്ഷ്യ​മാ​ക്കി നീ​ങ്ങി​യ ചൈ​ന​യു​ടെ ചാ​ര ബ​ലൂ​ണാ​ണ് യു​എ​സ് വ്യോ​മ​സേ​ന​യു​ടെ എ​ഫ്-22 വി​മാ​നം വെ​ടി​വ​ച്ചി​ട്ട​ത്. ഇ​ന്ത്യ​ൻ സ​മ​യം ഞാ​യ​ർ പു​ല​ർ​ച്ചെ 1.09ന് ​ആ​ണ് ബ​ലൂ​ൺ വീ​ഴ്ത്തി​യ​ത്. തീ​ര​ത്തു​നി​ന്ന് ഏ​ക​ദേ​ശം 10 കി​ലോ​മീ​റ്റ​ർ അ​ക​ലെ അ​റ്റ്ലാ​ന്റി​ക് സ​മു​ദ്ര​ത്തി​ലാ​ണു ബ​ലൂ​ൺ പ​തി​ച്ച​ത്.

ബ​ലൂ​ൺ ക​ണ്ടെ​ത്തി​യ സം​ഭ​വം ചൈ​ന-​യു​എ​സ് ബ​ന്ധ​ത്തി​ൽ വ​ർ​ഷ​ങ്ങ​ളാ​യി നി​ല​നി​ന്നി​രു​ന്ന ഉ​ല​ച്ചി​ൽ കൂ​ടു​ത​ൽ ശ​ക്ത​മാ​ക്കി​യി​ട്ടു​ണ്ട്. സി​വി​ലി​യ​ൻ ആ​വ​ശ്യ​ങ്ങ​ൾ​ക്കു​ള്ള ബ​ലൂ​ൺ യു​എ​സ് പ​ട്ടാ​ളം വെ​ടി​വ​ച്ചി​ട്ട​തി​ൽ ക​ടു​ത്ത അ​സം​തൃ​പ്തി ചൈ​ന പ്ര​ക​ടി​പ്പി​ച്ചി​രു​ന്നു. ബ​ലൂ​ൺ വി​ഷ​യ​ത്തെ​ത്തു​ട​ർ​ന്ന് യു​എ​സ് സ്റ്റേ​റ്റ് സെ​ക്ര​ട്ട​റി ആ​ന്‍റ​ണി ബ്ലി​ങ്ക​ൺ ചൈ​നീ​സ് സ​ന്ദ​ർ​ശ​നം റ​ദ്ദാ​ക്കി.
Related News
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

<
Copyright @ 2022 , Rashtra Deepika Ltd.