ഇ​ടു​ക്കി ഡാ​മി​ന്‍റെ മൂ​ന്നു ഷ​ട്ട​റും തു​റ​ന്നു, പെ​രി​യാ​റി​ൽ ജ​ല​നി​ര​പ്പ് ഒ​രു മീ​റ്റ​ർ ഉ​യ​ർ​ന്നേ​ക്കാം
ഇ​ടു​ക്കി ഡാ​മി​ന്‍റെ മൂ​ന്നു ഷ​ട്ട​റും തു​റ​ന്നു, പെ​രി​യാ​റി​ൽ ജ​ല​നി​ര​പ്പ് ഒ​രു മീ​റ്റ​ർ ഉ​യ​ർ​ന്നേ​ക്കാം
Tuesday, October 19, 2021 12:47 PM IST
ചെ​റു​തോ​ണി: ഇ​ടു​ക്കി ഡാ​മി​ന്‍റെ മൂ​ന്നു ഷ​ട്ട​റു​ക​ളും തു​റ​ന്നു. രാ​വി​ലെ 10.55 ഓ​ടെ മൂ​ന്ന് സൈ​റ​ണും മു​ഴ​ങ്ങി. തു​ട​ർ​ന്ന് മ​ന്ത്രി​മാ​രു​ടെ സാ​ന്നി​ധ്യ​ത്തി​ൽ ആ​ദ്യം മൂ​ന്നാ​മ​ത്തെ ഷ​ട്ട​റാ​ണ് തു​റ​ന്ന​ത്. വെ​ള്ളം ചെ​റു​തോ​ണി​യി​ലെ​ത്തി, പ​ര​ന്ന് ഒ​ഴു​കി​യ​ശേ​ഷം 12 മ​ണി​യോ​ടെ​യാ​ണ് ര​ണ്ടാ​മ​ത്തെ ഷ​ട്ട​ർ തു​റ​ന്ന​ത്. പ​തി​ന​ഞ്ച് മി​നി​റ്റു​ക​ൾ​ക്ക് ശേ​ഷം നാ​ലാ​മ​ത്തെ ഷ​ട്ട​റും അ​വ​സാ​ന​മാ​യി തു​റ​ന്നു.

35 സെ​ന്‍റി​മീ​റ്റ​റാ​ണ് ഷ​ട്ട​റു​ക​ൾ ഉ​യ​ർ​ത്തി​യി​രി​ക്കു​ന്ന​ത്. സെ​ക്ക​ൻ​ഡി​ൽ ഒ​രു ല​ക്ഷം ലി​റ്റ​ർ വെ​ള്ളം (100 ക്യു​മെ​ക്സ് ജ​ലം) പു​റ​ത്തേ​ക്ക് ഒ​ഴു​ക്കി​വി​ടു​ന്ന​ത്. ആ​ദ്യം വെ​ള്ള​മെ​ത്തു​ക ചെ​റു​തോ​ണി ടൗ​ണി​ലേ​ക്കാ​ണ്. ആ​ശ​ങ്ക​പ്പെ​ടേ​ണ്ട സാ​ഹ​ച​ര്യ​മി​ല്ലെ​ന്ന് അ​ധി​കൃ​ത​ർ അ​റി​യി​ച്ചി​ട്ടു​ണ്ട്.

ഷ​ട്ട​റു​ക​ൾ ഉ​യ​ർ​ത്തി​യ​തോ​ടെ പെ​രി​യാ​റി​ലെ ജ​ല​നി​ര​പ്പ് ഒ​രു​മീ​റ്റ​ർ ഉ​യ​ർ​ന്നേ​ക്കാം. ഇ​ടു​ക്കി​യി​ലെ വെ​ള്ളം വൈ​കി​ട്ട് നാ​ലോ​ടെ ആ​ലു​വ, കാ​ല​ടി മേ​ഖ​ല​യി​ലെ​ത്തും. നി​ല​വി​ല്‍ ഇ​ടു​ക്കി ഡാ​മി​ലെ ജ​ല​നി​ര​പ്പ് 2397.96 അ​ടി എ​ത്തി​യി​ട്ടു​ണ്ട്. റെ​ഡ് അ​ല​ർ​ട്ടും പ്ര​ഖ്യാ​പി​ച്ചി​ട്ടു​ണ്ട്. 2018ലെ ​പ്ര​ള​യ​ത്തി​ന് ശേ​ഷം മൂ​ന്നു വ​ർ​ഷം ക​ഴി​ഞ്ഞാ​ണ് ഇ​ടു​ക്കി ഡാ​മി​ന്‍റെ ഷ​ട്ട​റു​ക​ൾ വീ​ണ്ടും ഉ​യ​ർ​ത്തി​യ​ത്.

വ​രും ദി​വ​സ​ങ്ങ​ളി​ൽ മ​ഴ ശ​ക്ത​മാ​കു​മെ​ന്ന് മു​ന്ന​റി​യി​പ്പു​ള്ള​തി​നാ​ൽ അ​ണ​ക്കെ​ട്ടി​ലെ ജ​ല​നി​ര​പ്പ് പ​ര​മാ​വ​ധി​യി​ലെ​ത്തു​ന്ന​തി​നു മു​ൻ​പ് തു​റ​ന്നു​വി​ട്ട് ജ​ല​വി​താ​നം ക്ര​മീ​ക​രി​ക്കാ​നാ​ണ് നേ​ര​ത്തേ​ത​ന്നെ തു​റ​ക്കു​ന്ന​തെ​ന്ന് മ​ന്ത്രി റോ​ഷി അ​ഗ​സ്റ്റി​ൻ പ​റ​ഞ്ഞി​രു​ന്നു.

ജ​ല​നി​ര​പ്പ് 2396.86 അ​ടി പി​ന്നി​ട്ട​തോ​ടെ തി​ങ്ക​ളാ​ഴ്ച രാ​വി​ലെ ഓ​റ​ഞ്ച് അ​ല​ർ​ട്ട് പ്ര​ഖ്യാ​പി​ച്ചി​രു​ന്നു. അ​ണ​ക്കെ​ട്ടി​ലേ​ക്ക് വ​രും​ദി​വ​സ​ങ്ങ​ളി​ൽ കൂ​ടു​ത​ൽ ജ​ലം ഒ​ഴു​കി​യെ​ത്തു​ന്ന സാ​ഹ​ച​ര്യ​മു​ണ്ടാ​യാ​ൽ കൂ​ടു​ത​ൽ അ​ള​വി​ൽ വെ​ള്ളം ഒ​ഴു​ക്കി​വി​ടാ​നാ​ണു തീ​രു​മാ​നം.

ഇ​ടു​ക്കി പ​ദ്ധ​തി ക​മ്മീ​ഷ​ൻ ചെ​യ്ത​തി​നു ശേ​ഷം ഇ​തു​വ​രെ ആ​റു​ത​വ​ണ അ​ണ​ക്കെ​ട്ട് തു​റ​ന്നി​ട്ടു​ണ്ട്. 1981 ഒ​ക്ടോ​ബ​ർ 29നും 1992 ​ഒ​ക്ടോ​ബ​ർ 12നും ​അ​ഞ്ച് ഷ​ട്ട​റു​ക​ളും തു​റ​ന്നു. ഇ​തേ വ​ർ​ഷ​ങ്ങ​ളി​ൽ മ​ഴ ശ​ക്ത​മാ​യ​തോ​ടെ ന​വം​ബ​റി​ൽ വീ​ണ്ടും അ​ണ​ക്കെ​ട്ട് തു​റ​ന്നു.

2018 ഓ​ഗ​സ്റ്റ് ഒ​ന്പ​ത്, ഒ​ക്ടോ​ബ​ർ ആ​റ് എ​ന്നീ ദി​വ​സ​ങ്ങ​ളി​ലും തു​റ​ന്നു. 2018-ൽ ​ഓ​ഗ​സ്റ്റ് ഒ​ന്പ​തി​ന് ഉ​ച്ച​യ്ക്ക് 12നു ​ചെ​റു​തോ​ണി അ​ണ​ക്കെ​ട്ടി​ന്‍റെ മൂ​ന്നാ​മ​ത്തെ ഷ​ട്ട​ർ 25 സെ​ന്‍റി​മീ​റ്റ​റാ​ണ് ആ​ദ്യം ഉ​യ​ർ​ത്തി​യ​ത്. പി​ന്നീ​ട് 15-ഓ​ടെ അ​ഞ്ചു​ഷ​ട്ട​റു​ക​ളും ഉ​യ​ർ​ത്തി. ജ​ല​നി​ര​പ്പ് 2391 അ​ടി​യി​ലും താ​ഴെ എ​ത്തി​യ​തോ​ടെ സെ​പ്റ്റം​ബ​ർ ഏ​ഴി​ന് ഉ​ച്ച​യോ​ടെ​യാ​ണ് 29 ദി​വ​സ​ത്തി​നു​ശേ​ഷം ഷ​ട്ട​റു​ക​ൾ പൂ​ർ​ണ​മാ​യും അ​ട​ച്ച​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.