പെ​ഗാ​സ​സ്: വി​ദ​ഗ്ധ സ​മി​തി രൂ​പീ​ക​രി​ക്കു​മെ​ന്ന് സു​പ്രീം​കോ​ട​തി
പെ​ഗാ​സ​സ്: വി​ദ​ഗ്ധ സ​മി​തി രൂ​പീ​ക​രി​ക്കു​മെ​ന്ന് സു​പ്രീം​കോ​ട​തി
Thursday, September 23, 2021 12:26 PM IST
ന്യൂ​ഡ​ൽ​ഹി: ഇ​സ്ര​യേ​ൽ നി​ർ​മി​ത ചാ​ര സോ​ഫ്റ്റ്‌​വെയർ പെ​ഗാ​സ​സ് ഫോ​ണ്‍ ചോ​ർ​ത്ത​ലി​ൽ അ​ന്വേ​ഷ​ണം ന​ട​ത്താ​ൻ വി​ദ​ഗ്ധ സ​മി​തി രൂ​പീ​ക​രി​ക്കു​മെ​ന്ന് സു​പ്രീം​കോ​ട​തി. ഇ​തു​സം​ബ​ന്ധി​ച്ച ഉ​ത്ത​ര​വ് ഉ​ട​ൻ ത​ന്നെ ഉ​ണ്ടാ​കു​മെ​ന്നും സു​പ്രീം​കോ​ട​തി​യു​ടെ മേ​ൽ​നോ​ട്ട​ത്തി​ലാ​യി​രി​ക്കും അ​ന്വേ​ഷ​ണ​മെ​ന്നും ചീ​ഫ് ജ​സ്റ്റീ​സ് എ​ൻ.​വി. ര​മ​ണ വ്യ​ക്ത​മാ​ക്കി.

സ​ങ്കേ​തി​ക സ​മിതി​യി​ലേ​ക്ക് വി​ദ​ഗ്ധ​രെ നി​യ​മി​ക്കാ​ൻ സു​പ്രീം​കോ​ട​തി ത​ന്നെ ശ്ര​മി​ക്കു​ക​യാ​ണ്. പ​ല വി​ദ​ഗ്ധ​രെ​യും സ​മീ​പി​ച്ചെ​ങ്കി​ലും ഇ​വ​രു​ടെ അ​സൗ​ക​ര്യം മൂ​ല​മാ​ണ് സ​മി​തി രൂ​പീ​ക​രി​ക്കാ​ൻ വൈ​കു​ന്ന​ത്. ഉ​ട​ൻ ത​ന്നെ സ​മി​തി രൂ​പീ​ക​രി​ച്ച് വി​ധി പ​റ​യു​മെ​ന്നും ചീ​ഫ് ജ​സ്റ്റീ​സ് അ​റി​യി​ച്ചു. മ​റ്റൊ​രു ഹ​ർ​ജി പ​രി​ഗ​ണി​ക്ക​വെ​യാ​ണ് ചീ​ഫ് ജ​സ്റ്റീ​സ് ഇ​ക്കാ​ര്യം വ്യ​ക്ത​മാ​ക്കി​യ​ത്.

പെ​ഗാ​സ​സ് ഉ​പ​യോ​ഗി​ക്കു​ന്നു​ണ്ടോ ഇ​ല്ല​യോ എ​ന്നു വ്യ​ക്ത​മാ​ക്കാ​ൻ കോ​ട​തി സ​ർ​ക്കാ​രി​നു വേ​ണ്ട​ത്ര അ​വ​സ​രം ത​ന്നി​രു​ന്നു. എ​ന്നാ​ൽ, സ​ർ​ക്കാ​ർ ഇ​ക്കാ​ര്യം വ്യ​ക്ത​മാ​ക്കി സ​ത്യ​വാ​ങ്മൂ​ലം ന​ൽ​കാ​ൻ വി​സ​മ്മ​തി​ക്കു​ക​യാ​ണ്. അ​തി​നാ​ൽ, അ​തി​ല്ലാ​തെ​ത​ന്നെ ഇ​ട​ക്കാ​ല ഉ​ത്ത​ര​വി​റ​ക്കു​മെ​ന്നും സു​പ്രീം​കോ​ട​തി നേ​ര​ത്തെ വ്യ​ക്ത​മാ​ക്കി​യി​രു​ന്ന​താ​ണ്.

രാ​ജ്യ​സു​ര​ക്ഷ​യെ ബാ​ധി​ക്കു​ന്ന വി​ഷ​യ​മാ​യ​തി​നാ​ൽ പെ​ഗാ​സ​സു​മാ​യി ബ​ന്ധ​പ്പെ​ട്ട വി​വ​ര​ങ്ങ​ളെ​ല്ലാം പൊ​തു​സ​മൂ​ഹ​ത്തി​നൊ​ട്ടാ​കെ ല​ഭ്യ​മാ​ക്കും വി​ധം സ​ത്യ​വാ​ങ്മൂ​ല​മാ​യി സ​മ​ർ​പ്പി​ക്കാ​ൻ ക​ഴി​യി​ല്ലെ​ന്ന് സോ​ളി​സി​റ്റ​ർ ജ​ന​റ​ൽ തു​ഷാ​ർ മേ​ത്ത വാ​ദി​ച്ചി​രു​ന്നു.

എ​ന്നാ​ൽ, രാ​ജ്യ​സു​ര​ക്ഷ​യു​മാ​യി ബ​ന്ധ​പ്പെ​ട്ട ഒ​രു കാ​ര്യ​വും വെ​ളി​പ്പെ​ടു​ത്തേ​ണ്ട​തി​ല്ലെ​ന്നും പ​രാ​തി​ക്കാ​ർ ആ​രോ​പി​ക്കു​ന്ന​തു​പോ​ലെ ചാ​ര സോ​ഫ്റ്റ്‌​വെയറി​ന്‍റെ നി​യ​മ​വി​രു​ദ്ധ​മാ​യ ഉ​പ​യോ​ഗ​ത്തി​ലൂ​ടെ സാ​ധാ​ര​ണ പൗ​ര​ന്‍റെ അ​വ​കാ​ശം ലം​ഘി​ക്ക​പ്പെ​ട്ടി​ട്ടു​ണ്ടോ എ​ന്നു മാ​ത്രം വ്യ​ക്ത​മാ​ക്കി​യാ​ൽ മ​തി​യെ​ന്നും കോ​ട​തി പ​റ​ഞ്ഞു.

പെ​ഗാ​സ​സ് സം​ബ​ന്ധി​ച്ച വി​ഷ​യ​ങ്ങ​ൾ പ​രി​ശോ​ധി​ക്കാ​ൻ ഒ​രു വി​ദ​ഗ്ധ​സ​മി​തി​യെ നി​യോ​ഗി​ക്കാ​മെ​ന്നും സ​മി​തി​യു​ടെ റി​പ്പോ​ർ​ട്ട് കോ​ട​തി​ക്കു ന​ൽ​കാ​മെ​ന്നും സ​ർ​ക്കാ​ർ ആ​വ​ർ​ത്തി​ച്ചി​രു​ന്നു. എ​ന്നാ​ൽ, ഒ​രു സ​മി​തി​യെ നി​യോ​ഗി​ച്ച് അ​ന്വേ​ഷ​ണം ന​ട​ത്തു​ന്ന​ത​ല്ല കാ​ര്യ​മെ​ന്നും ഒ​രു സ​ത്യ​വാ​ങ്മൂ​ലം ന​ൽ​കി​യാ​ൽ സ​ർ​ക്കാ​രി​ന്‍റെ നി​ല​പാ​ട് വ്യ​ക്ത​മാ​കു​മെ​ന്നും കോ​ട​തി മ​റു​പ​ടി ന​ൽ​കി​യി​രു​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.