രൂ​പാ​ണി​യും മ​ന്ത്രി​മാ​രും പു​റ​ത്ത്; ഭൂ​പേ​ന്ദ്ര പ​ട്ടേ​ൽ മ​ന്ത്രി​സ​ഭ അ​ധി​കാ​ര​മേ​റ്റു

Click here for detailed news of all items

രൂപാണിയും മന്ത്രിമാരും പുറത്ത്; ഭൂപേന്ദ്ര പട്ടേൽ മന്ത്രിസഭ അധികാരമേറ്റു

Thursday, September 16, 2021 7:27 PM IST

അഹമ്മദാബാദ്: ഗുജറാത്തിൽ ഭൂപേന്ദ്ര പട്ടേൽ മന്ത്രിസഭയിലെ പുതിയ മന്ത്രിമാർ സത്യപ്രതിജ്ഞ ചെയ്ത് അധികാരമേറ്റു. രാജ്ഭവനിൽ വ്യാഴാഴ്ച ഉച്ചയ്ക്ക് 1.30 ന് ആണ് സത്യപ്രതിജ്ഞാ ചടങ്ങ് നടന്നത്. ഇതിനു ശേഷം വൈകുന്നേരം നാലിന് പുതിയ മന്ത്രിസഭയുടെ ആദ്യ യോഗം ചേർന്നു.

അതേസമയം, സത്യപ്രതിജ്ഞാ ചടങ്ങിന് മണിക്കൂറുകൾക്ക് മുമ്പ് രാജേന്ദ്ര ത്രിവേദി രാജിവച്ചതിനെത്തുടർന്ന്, ഭുജിൽ നിന്നുള്ള എംഎൽഎയായ നിമാബെൻ ആചാര്യയെ പ്രൊട്ടേം സ്പീക്കറായി നിയമിച്ചു. മന്ത്രിയാകുന്നതിനാണ് ത്രിവേദി സ്പീക്കർ സ്ഥാനം രാജിവച്ചത്.

മുൻ ഉപമുഖ്യമന്ത്രി നിതിൻ പട്ടേലിന് ഭൂപേന്ദ്ര പട്ടേൽ മന്ത്രിസഭയിൽ ഇടംകിട്ടാതിരുന്നത് അദ്ഭുതപ്പെടുത്തി. രൂപാനിക്കു ശേഷം മുഖ്യമന്ത്രിയാകുമെന്ന് കരുതിയിരുന്ന നേതാവായിരുന്നു നിതിൻ പട്ടേൽ. വിജയ് രൂപാണി മന്ത്രിസഭയിലെ മന്ത്രിമാരെയെല്ലാം മാറ്റിയാണ് ഭൂപേന്ദ്ര പട്ടേൽ തന്‍റെ ടീം രൂപീകരിച്ചത്. 24 പുതിയ മന്ത്രിമാരാണു പട്ടേൽ മന്ത്രിസഭയിലുള്ളത്. മന്ത്രിമാരുടെ വകുപ്പുകൾ ഏതൊക്കെയെന്നു പിന്നീടു തീരുമാനിക്കും.

10 ക്യാബിനറ്റ് മന്ത്രിമാരും 14 സഹമന്ത്രിമാരുമാണു മന്ത്രിസഭയിലുള്ളത്. ഇതിൽ അഞ്ചു പേർ സ്വതന്ത്ര ചുമതലയുള്ള സഹമന്ത്രിമാരാണ്.

ഭൂപേന്ദ്രയുടെ പുതിയ മന്ത്രിമാർ

1. രാജേന്ദ്ര ത്രിവേദി
2. ജിതു വഖാനി
3. ഋഷികേശ് പട്ടേൽ
4. പൂർണേഷ് മോദി
5. രാഘവ്ജി പട്ടേൽ
6. കനുഭായ് ദേശായി
7. കിരിത്‍സിൻഹ് റാണ
8. നരേഷ് പട്ടേൽ
9. പ്രദീപ് പാർമർ
10. അർജുന്‍സിംഗ് ചൗഹാൻ

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.