ഒടുവിൽ ട്രംപ് മടങ്ങി; ഇനി ബൈഡൻ യുഗം |

Click here for detailed news of all items

ഒടുവിൽ ട്രംപ് മടങ്ങി; ഇനി ബൈഡൻ യുഗം

Wednesday, January 20, 2021 7:37 PM IST

വാഷിംഗ്ടൺ: ഒടുവിൽ ഡോണൾ‌ഡ് ട്രംപ് അമേരിക്കൻ പ്രസിഡന്‍റ് പദവിയിൽനിന്നും മടങ്ങി. അതും പുതിയ പ്രസിഡന്‍റ് സ്ഥാനമേൽക്കുന്നതിനു കാത്തുനിൽക്കാതെ. ജോ ബൈഡന്‍റെ സത്യപ്രതിജ്ഞാ ചടങ്ങുകൾക്ക് മണിക്കൂറുകൾക്ക് മുൻപ് ട്രംപ് ബന്ധുക്കൾക്കൊപ്പം വാഷിംഗ്ടൺ വിട്ടു. സ്ഥാനമൊഴിയുന്ന പ്രസിഡന്‍റിന് സൈന്യം ആചാരപരമായ വിടവാങ്ങൽ നൽകി.

വിടവാങ്ങൽ പ്രസംഗത്തിൽ നിയുക്ത പ്രസിഡന്‍റിനും വൈസ് പ്രസിഡന്‍റിനും അദ്ദേഹം ആശംസ അറിയിച്ചു. എന്നാൽ ബൈഡന്‍റെയും കമലാ ഹാരിസിന്‍റെയും പേരെടുത്ത് അദ്ദേഹം ആശംസ അറിയിച്ചില്ലെന്നതും ശ്രദ്ധേയമായി.

തന്‍റെ ഭരണകാല നേട്ടങ്ങളെക്കുറിച്ച് പറഞ്ഞ ട്രംപ് അമേരിക്ക ഇക്കാലയളവിൽ ലോകത്ത് ഒന്നാമത് എത്തിയെന്നും അവകാശപ്പെട്ടു. കോവിഡിനെതിരായ വാക്സിൻ നിർമിച്ചത് വലിയ നേട്ടമായിരുന്നെന്ന് അദ്ദേഹം പറഞ്ഞു. ചുരുങ്ങിയ സമയത്തിനുള്ളിൽ വാക്സിൻ നിർമിക്കാനായത് നേട്ടമായി. അമേരിക്കയെ സാമ്പത്തിക ശക്തിയായി നിലനിർത്താനും തന്‍റെ ഭരണകാലത്ത് സാധിച്ചെന്നും ട്രംപ് പ്രസംഗത്തിൽ പറഞ്ഞു.

എയർഫോഴ്സ് വൺ വിമാനത്തിൽ‌ വാഷിംഗ്ടൺ വിടുന്ന ട്രംപ് കുടുംബം ഫ്ളോറിഡയിലെ മാരലഗോയിലെ സ്വന്തം റിസോർട്ടിലേക്കാണു പോകുന്നത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.