എ​ന്ത് കാ​ട്ടാ​നാ...! രാ​ത്രി​യി​ൽ കോ​വി​ഡ് ആം​ബു​ല​ൻ​സ് ത​ട​ഞ്ഞ് കാ​ട്ടാ​ന
Thursday, September 24, 2020 9:49 PM IST
നെ​ല്ലി​യാ​ന്പ​തി: കോ​വി​ഡ് രോ​ഗി​യു​മാ​യി ആ​ശു​പ​ത്രി​യി​ലേ​ക്കു വ​ന്നി​രു​ന്ന ആം​ബു​ല​ൻ​സ് ആ​ന​യ്ക്കു​മു​ന്നി​ൽ ര​ണ്ടു മ​ണി​ക്കൂ​ർ കു​ടു​ങ്ങി. നെ​ല്ലി​യാ​ന്പ​തി ചു​രം പാ​ത​യി​ൽ ബു​ധ​നാ​ഴ്ച രാ​ത്രി​യാ​ണ് സം​ഭ​വം.

നെല്ലിയാമ്പതി സ്വദേശിയായ 43 കാരനെ ആശുപത്രിയിലേക്ക് മാറ്റുന്നതിനിടെയാണ് വഴിയിൽ കാട്ടാന മാർഗതടസമായത്.

ക​ർ​ണാ​ട​ക​യി​ൽ റെ​യി​ൽ​വേ​യി​ൽ ജോ​ലി​ചെ​യ്യു​ന്ന 43 കാ​ര​ൻ നെ​ല്ലി​യാ​ന്പ​തി​യി​ലെ വീ​ട്ടി​ൽ നി​രീ​ക്ഷ​ണ​ത്തി​ൽ ക​ഴി​യു​ക​യാ​യി​രു​ന്നു. ക​ഴി​ഞ്ഞ​ദി​വ​സം ന​ട​ത്തി​യ പ​രി​ശോ​ധ​ന​യി​ൽ കോ​വി​ഡ് സ്ഥി​രീ​ക​രി​ച്ച​തോ​ടെയാണ് ഇ​ദ്ദേ​ഹ​ത്തെ ആ​ശു​പ​ത്രി​യി​ലേ​ക്കു മാറ്റിയത്.

ബു​ധ​നാ​ഴ്ച രാ​ത്രി എ​ട്ടു​മ​ണി​യോ​ടെ നി​രീ​ക്ഷ​ണ കേ​ന്ദ്ര​ത്തി​ൽ​നി​ന്ന് 108 ആം​ബു​ല​ൻ​സി​ൽ രോ​ഗി​യു​മാ​യി യാ​ത്ര തി​രി​ച്ചു. ഇ​തി​നി​ടെ കൈ​കാ​ട്ടി പോ​ത്തു​ണ്ടി ചു​രം പാ​ത​യി​ൽ കു​ണ്ട​റ​ച്ചോ​ല​യ്ക്കു സ​മീ​പ​മാ​യി ആ​ന​ക്കൂ​ട്ട​ത്തി​നു മു​ന്നി​ൽ​പെ​ടു​ക​യാ​യി​രു​ന്നു.

സാ​ധാ​ര​ണ വാ​ഹ​ന​ങ്ങ​ൾ ക​ണ്ടാ​ൽ കാ​ട്ടി​ലേ​ക്കു ക​യ​റി​പ്പോ​കു​ന്ന കാ​ട്ടാ​ന​ക്കൂ​ട്ടം രാ​ത്രി​യാ​യ​തി​നാ​ൽ പാ​ത​യി​ൽ​ത​ന്നെ ത​ന്പ​ടി​ച്ചു​നി​ന്നു. 108 ആം​ബു​ല​ൻ​സി​ലെ ജീ​വ​ന​ക്കാ​രെ കൂ​ടാ​തെ നെ​ല്ലി​യാ​ന്പ​തി പ്രാ​ഥ​മി​കാ​രോ​ഗ്യ​കേ​ന്ദ്ര​ത്തി​ലെ ഹെ​ൽ​ത്ത് ഇ​ൻ​സ്പെ​ക്ട​ർ ആ​രോ​ഗ്യം ജോ​യ്സ​ണ്‍, ജീ​വ​ന​ക്കാ​രാ​യ അ​ഫ്സ​ൽ, മു​നി​സ്വാ​മി, ശി​വ​ൻ എ​ന്നി​വ​രും ആം​ബ​ലു​ൻ​സി​നോ​ടൊ​പ്പം അ​ക​ന്പ​ടി വ​ന്നി​രു​ന്നു.

ഇ​വ​രും വ​ഴി​യി​ൽ കു​ടു​ങ്ങി. രാ​ത്രി 11 മ​ണി​യോ​ടെ​യാ​ണ് താ​ഴെ​നി​ന്ന് വ​ന​പാ​ല​ക​രും എ​ത്തി​യ​തോ​ടെ ആ​ന​ക്കൂ​ട്ടം കാ​ട്ടി​ലേ​ക്കു ക​യ​റി​പ്പോ​യ​ത്. തു​ട​ർ​ന്നാ​ണ് രോ​ഗി​യെ ആ​ശു​പ​ത്രി​യി​ൽ എ​ത്തി​ച്ച​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.