ക​റാ​ച്ചി വി​മാ​നാ​പ​ക​ടം: ദു:​ഖം രേ​ഖ​പ്പെ​ടു​ത്തി പ്ര​ധാ​ന​മ​ന്ത്രി
Friday, May 22, 2020 9:23 PM IST
ക​റാ​ച്ചി: നി​ര​വ​ധി പേ​രു​ടെ മ​ര​ണ​ത്തി​നി​ട​യാ​ക്കി​യ ക​റാ​ച്ചി വി​മാ​നാ​പ​ക​ട​ത്തി​ൽ ദു:​ഖം രേ​ഖ​പ്പെ​ടു​ത്തി പ്ര​ധാ​ന​മ​ന്ത്രി ന​രേ​ന്ദ്ര മോ​ദി. ട്വി​റ്റ​റി​ലാ​ണ് മോ​ദി അ​നു​ശോ​ച​നം രേ​ഖ​പ്പെ​ടു​ത്തി​യ​ത്. മ​രി​ച്ച​വ​രു​ടെ കു​ടും​ബ​ങ്ങ​ൾ‌​ക്ക് അ​നു​ശോ​ച​നം അ​റി​യി​ക്കു​ന്നു. പ​രി​ക്കേ​റ്റ​വ​ർ വേ​ഗ​ത്തി​ൽ സു​ഖം​പ്രാ​പി​ക്ക​ട്ടെ​യെ​ന്ന് ആ​ഗ്ര​ഹി​ക്കു​ന്ന​താ​യും പ്ര​ധാ​ന​മ​ന്ത്രി ട്വീ​റ്റ് ചെ​യ്തു.

അ​പ​ക​ട​ത്തി​ൽ 37 പേ​ർ മ​രി​ച്ച​താ​യാ​ണ് റി​പ്പോ​ർ​ട്ട്. മൂ​ന്ന് പേ​ർ അ​പ​ക​ട​ത്തി​ൽ​നി​ന്നും അ​ദ്ഭു​ത​ക​ര​മാ​യി ര​ക്ഷ​പെ​ട്ടു. ഇ​വ​രെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. മ​രി​ച്ച മു​ഴു​വ​ൻ​പേ​രും വി​മാ​ന​ത്തി​ലു​ള്ള​വ​ർ ആ​യി​രു​ന്നോ അ​തോ സം​ഭ​വ​സ്ഥ​ല​ത്ത് ഉ​ണ്ടാ​യി​രു​ന്ന​വ​രും മ​ര​ണ​പ്പെ​ട്ടി​ട്ടു​ണ്ടോ​യെ​ന്ന​ത് സം​ബ​ന്ധി​ച്ച് അ​റി​വാ​യി​ട്ടി​ല്ല.

ലാ​ഹോ​റി​ൽ നി​ന്ന് ക​റാ​ച്ചി​യി​ലേ​ക്ക് വ​രി​ക​യാ​യി​രു​ന്ന പാ​ക്കി​സ്ഥാ​ൻ ഇ​ന്‍റ​ർ​നാ​ഷ​ണ​ൽ എ​യ​ർ​ലൈ​ൻ​സ് വി​മാ​ന​മാ​ണ് ത​ക​ർ​ന്ന​ത്. 91 യാ​ത്ര​ക്കാ​രും എ​ട്ടു ജീ​വ​ന ക്കാ​രും വി​മാ​ന​ത്തി​ലു​ണ്ടാ​യി​രു​ന്നു. ക​റാ​ച്ചി വി​മാ​ന​ത്താ​വ​ള​ത്തി​ലേ​ക്കു​ള്ള ലാ​ൻ​ഡിം​ഗി​ന് തൊ​ട്ടു​മു​മ്പാ​യി​രു​ന്നു അ​പ​ക​ടം.

ജ​ന​ങ്ങ​ൾ തി​ങ്ങി​പാ​ർ​ക്കു​ന്ന ജി​ന്നാ കോ​ള​നി​ക്ക് മു​ക​ളി​ലേ​ക്കാ​ണ് വി​മാ​നം ഇ​ടി​ച്ചി​റ​ങ്ങി​യ​ത്. ത​ക​ർ​ന്ന് വീ​ഴു​ന്ന​തി​നു മു​ൻ​പ് ര​ണ്ടോ മൂ​ന്നോ​വ​ട്ടം ലാ​ൻ​ഡ് ചെ​യ്യാ​ൻ വി​മാ​നം ശ്ര​മി​ച്ചി​രു​ന്ന​താ​യി ദൃ​ക്സാ​ക്ഷി​ക​ളി​ലൊ​രാ​ൾ പ​റ​ഞ്ഞു. വി​മാ​നം മൊ​ബൈ​ൽ ട​വ​റി​ൽ ഇ​ടി​ച്ച് കെ​ട്ട​ടി​ട​ങ്ങ​ൾ​ക്ക് മു​ക​ളി​ലേ​ക്ക് ത​ക​ർ​ന്ന് വീ​ഴു​ക​യാ​യി​രു​ന്നു- സം​ഭ​വ​ത്തി​നു ദൃ​ക്സാ​ക്ഷി​യാ​യ ഷാ​ക്കീ​ൽ അ​ഹ​മ്മ​ദ് പ​റ​യു​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.