നാ​ട്ടു​കാ​ർ നോ​ക്കി​നി​ൽ​ക്കെ യു​വാ​വി​നെ കൊ​ടി​മ​ര​ത്തി​ൽ കെ​ട്ടി​യി​ട്ടു ത​ല്ലി​ച്ച​ത​ച്ചു
Wednesday, September 11, 2019 3:40 AM IST
തി​രു​വ​ന​ന്ത​പു​രം: യു​വാ​വി​നെ വീ​ട്ടി​ൽ​നി​ന്നു പി​ടി​ച്ചി​റ​ക്കി കൊ​ടി​മ​ര​ത്തി​ൽ കെ​ട്ടി​യി​ട്ടു മ​ർ​ദി​ച്ചു. വി​ഴി​ഞ്ഞം ടൗ​ണ്‍​ഷി​പ്പ് സ്വ​ദേ​ശി ഫൈ​സ​ലി​നാ​ണു മ​ർ​ദ​ന​മേ​റ്റ​ത്. ചൊ​വ്വാ​ഴ്ച രാ​വി​ലെ വി​ഴി​ഞ്ഞം തി​യ​റ്റ​ർ ജം​ഗ്ഷ​നി​ലാ​യി​രു​ന്നു സം​ഭ​വം.

രാ​വി​ലെ പ​ത്തി​നു ഫൈ​സ​ലി​ന്‍റെ വീ​ട്ടി​ൽ ഓ​ട്ടോ​യി​ൽ എ​ത്തി​യ മൂ​ന്നം​ഗ സം​ഘം വ​ടി​വാ​ൾ കാ​ട്ടി വീ​ട്ടു​കാ​രെ ഭീ​ഷ​ണി​പ്പെ​ടു​ത്തി​യ​ശേ​ഷം ഫൈ​സ​ലി​നെ മ​ർ​ദി​ച്ച് ഓ​ട്ടോ​യി​ൽ വ​ലി​ച്ചി​ഴ​ച്ചു ക​യ​റ്റി. പി​ന്നീ​ട് തി​യ​റ്റ​ർ ജം​ഗ്ഷ​നി​ൽ എ​ത്തി​ച്ച് ഡി​വൈ​എ​ഫ്ഐ​യു​ടെ കൊ​ടി​മ​ര​ത്തി​ൽ കെ​ട്ടി​യി​ട്ടു മ​ർ​ദി​ക്കു​ക​യാ​യി​രു​ന്നു. മ​ർ​ദ​നം ചോ​ദ്യം ചെ​യ്ത നാ​ട്ടു​കാ​രെ അ​ക്ര​മി സം​ഘം വാ​ളു​ക​ൾ വീ​ശി കൊ​ല്ലു​മെ​ന്നു ഭീ​ഷ​ണി​പ്പെ​ടു​ത്തി. പി​ന്നീ​ട് വി​ഴി​ഞ്ഞം പോ​ലീ​സെ​ത്തി​യാ​ണു യു​വാ​വി​നെ ര​ക്ഷ​പ്പ​ടു​ത്തി​യ​ത്.

സം​ഭ​വ​ത്തി​ൽ വി​ഴി​ഞ്ഞം സ്വ​ദേ​ശി​ക​ളാ​യ ഷാ​ഫി(26) ക​ണ്ണ​ൻ (23) ഇ​സ്മ​യി​ൽ (21) ഹാ​ഷിം (29) ആ​ഷി​ക് (29) അ​ജ്മ​ൽ( 24) സ​ജി​ൽ(21) ഫി​റോ​സ് (21) എ​ന്നി​വ​രെ പോ​ലീ​സ് അ​റ​സ്റ്റ് ചെ​യ്തു. ക​ഞ്ചാ​വ് വി​ൽ​പ്പ​ന സം​ഘാം​ഗ​ങ്ങ​ൾ ത​മ്മി​ലു​ള്ള സം​ഘ​ർ​ഷ​മാ​ണു സം​ഭ​വ​ത്തി​നു പി​ന്നി​ലെ​ന്നു പോ​ലീ​സ് പ​റ​ഞ്ഞു.

സം​ഭ​വ​ത്തെ കു​റി​ച്ചു പോ​ലീ​സ് പ​റ​യു​ന്ന​തി​ങ്ങ​നെ: മ​ർ​ദ്ദ​ന​മേ​റ്റ ഫൈ​സ​ലി​ന്‍റെ മൊ​ബൈ​ൽ​ഫോ​ണ്‍ ര​ണ്ടാ​ഴ്ച മു​ന്പ് പ്ര​തി​ക​ളി​ലൊ​രാ​ളാ​യ ഷാ​ഫി ത​ല്ലി​ത്ത​ക​ർ​ത്തു. ഇ​തു പോ​ലീ​സ് കേ​സാ​യ​തോ​ടെ പു​തി​യ മൊ​ബൈ​ൽ വാ​ങ്ങി ന​ൽ​കാ​മെ​ന്ന വ്യ​വ​സ്ഥ​യി​ൽ പ്ര​ശ്നം താ​ത്കാ​ലി​ക​മാ​യി പ​രി​ഹ​രി​ച്ചു. ദി​വ​സ​ങ്ങ​ൾ​ക്കു​ശേ​ഷം ഇ​വ​ർ വീ​ണ്ടും തെ​റ്റി​പ്പി​രി​ഞ്ഞു. ഒ​രാ​ഴ്ച മു​ന്പു ഫൈ​സ​ലി​ന്‍റെ നേ​തൃ​ത്വ​ത്തി​ൽ മു​ഹ​മ്മ​ദ് ഷാ​ഫി​യെ ആ​ക്ര​മി​ച്ചു വെ​ട്ടി പ​രി​ക്കേ​ൽ​പ്പി​ച്ചു. ഇ​തി​നെ​തി​രാ​യ കേ​സും വി​ഴി​ഞ്ഞം പോ​ലീ​സി​ൽ നി​ല​നി​ൽ​ക്കെ​യാ​ണ് ആ​ശു​പ​ത്രി​യി​ൽ​നി​ന്നു പു​റ​ത്തി​റ​ങ്ങി​യ ഷാ​ഫി​യു​ടെ നേ​തൃ​ത്വ​ത്തി​ൽ വീ​ണ്ടും ആ​ക്ര​മ​ണം ന​ട​ന്ന​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.