ക​ണ്ണൂ​ർ: എ​ഡി​എം ന​വീ​ൻ ബാ​ബു​വി​ന്‍റെ മ​ര​ണ​വു​മാ​യി ബ​ന്ധ​പ്പെ​ട്ട് ക​ണ്ണൂ​ർ ജി​ല്ലാ ക​ള​ക്ട​ർ അ​രു​ൺ കെ.​വി​ജ​യ​ന്‍റെ മൊ​ഴി പ്ര​ത്യേ​ക അ​ന്വേ​ഷ​ണ​സം​ഘം വീ​ണ്ടും രേ​ഖ​പ്പെ​ടു​ത്തി. എ​സി​പി ടി.​കെ. ര​ത്ന​കു​മാ​ർ, ക​ണ്ണൂ​ർ ടൗ​ൺ എ​സ്എ​ച്ച്ഒ ശ്രീ​ജി​ത്ത് കൊ​ടേ​രി എ​ന്നി​വ​രു​ടെ നേ​തൃ​ത്വ​ത്തി​ൽ ക​ള​ക്ട​റു​ടെ ക്യാ​ന്പ് ഓ​ഫീ​സി​ൽ എ​ത്തി​യാ​ണ് മൊ​ഴി രേ​ഖ​പ്പെ​ടു​ത്തി​യ​ത്.

ഒ​രു തെ​റ്റു പ​റ്റി​യ​താ​യി എ​ഡി​എം ന​വീ​ൻ ബാ​ബു പ​റ​ഞ്ഞ​താ​യി ജി​ല്ലാ ക​ള​ക്ട​ർ പ​റ​ഞ്ഞ​തി​ന്‍റെ അ​ടി​സ്ഥാ​ന​ത്തി​ലാ​ണ് മൊ​ഴി വീ​ണ്ടും രേ​ഖ​പ്പെ​ടു​ത്തി​യി​രി​ക്കു​ന്ന​ത്. ഇ​ക്കാ​ര്യം ത​ന്നെ​യാ​ണ് ക​ള​ക്ട​ർ വീ​ണ്ടും മൊ​ഴി​യി​ൽ ആ​വ​ർ​ത്തി​ച്ച​തെ​ന്നാ​ണ് സൂ​ച​ന. വ​കു​പ്പു​ത​ല അ​ന്വേ​ഷ​ണം ന​ട​ത്തി​യ ലാ​ൻ​ഡ് റ​വ​ന്യൂ ജോ​യി​ന്‍റ് ക​മ്മീ​ഷ​ണ​ർ എ. ​ഗീ​ത​യ്ക്കും ഇ​തേ മൊ​ഴി ന​ല്കി​യെ​ന്ന് ക​ള​ക്‌​ട​ർ പ​റ​ഞ്ഞി​രു​ന്നു.

എ​ന്നാ​ൽ ന​വീ​ൻ ബാ​ബു​വി​ന്‍റെ മ​ര​ണ​ത്തി​ന് തൊ​ട്ടു​പി​ന്നാ​ലെ ക​ള​ക്ട​ർ ന​ല്കി​യ പ്രാ​ഥ​മി​ക റി​പ്പോ​ർ​ട്ടി​ൽ ഇ​ക്കാ​ര്യ​ങ്ങ​ൾ രേ​ഖ​പ്പെ​ടു​ത്തി​യി​രു​ന്നി​ല്ല. ഇ​താ​ണ് ക​ള​ക്ട​റെ സം​ശ​യ​മു​ന​യി​ൽ നി​ർ​ത്താ​ൻ കാ​ര​ണം. ഇ​തി​നി​ടെ ജി​ല്ലാ ക​ള​ക്ട​റെ മാ​റ്റ​ണ​മെ​ന്ന ആ​വ​ശ്യ​വു​മാ​യി കോ​ൺ​ഗ്ര​സും പ്ര​തി​പ​ക്ഷ സ​ർ​വീ​സ് സം​ഘ​ട​ന​ക​ളും രം​ഗ​ത്ത് വ​ന്നി​ട്ടു​ണ്ട്.

ആ​രോ​പ​ണ​വി​ധേ​യ​നാ​യ ജി​ല്ലാ ക​ള​ക്ട​റെ മാ​റ്റാ​തെ​യു​ള്ള അ​ന്വേ​ഷ​ണം പ്ര​ഹ​സ​ന​മാ​ണെ​ന്നാ​ണ് കോ​ൺ​ഗ്ര​സ് ആ​രോ​പി​ക്കു​ന്ന​ത്. ന​വീ​ൻ ബാ​ബു​വും ക​ള​ക്ട​റും ത​മ്മി​ൽ ന​ല്ല ബ​ന്ധ​ത്തി​ല​ല്ലാ​യി​രു​ന്നു​വെ​ന്നാ​ണ് ജീ​വ​ന​ക്കാ​രും ന​വീ​ൻ ബാ​ബു​വി​ന്‍റെ ഭാ​ര്യ​യും മൊ​ഴി ന​ല്കി​യി​രി​ക്കു​ന്ന​ത്.