മോദിക്ക് പഠിപ്പില്ല, വിദ്യാസന്പന്നനായ പ്രധാനമന്ത്രി ഇന്ത്യയ്ക്ക് ആവശ്യമാണെന്ന് എഎപി |

Click here for detailed news of all items

മോദിക്ക് പഠിപ്പില്ല, വിദ്യാസന്പന്നനായ പ്രധാനമന്ത്രി ഇന്ത്യയ്ക്ക് ആവശ്യമാണെന്ന് എഎപി

Thursday, March 30, 2023 7:26 PM IST

ശ്രീനഗർ: രാജ്യത്തെ വിദ്വേഷം അവസാനിപ്പിക്കാനും നയങ്ങൾ രൂപീകരിക്കാനും സ്ഥാപക പിതാക്കന്മാരുടെ സ്വപ്നങ്ങൾ സാക്ഷാത്കരിക്കാനും ഇന്ത്യക്ക് വിദ്യാസന്പന്നനായ പ്രധാനമന്ത്രിയെ ആവശ്യമാണെന്ന് ആം ആദ്മി പാർട്ടി (എഎപി). നിരക്ഷരന് ഒരു രാജ്യം ഭരിക്കാൻ കഴിയില്ലെന്നും എഎപി മീഡിയ കോർഡിനേഷൻ കമ്മിറ്റി ചെയർമാൻ നവാബ് നസീർ അമൻ പറഞ്ഞു,

പ്രധാനമന്ത്രി നരേന്ദ്ര മോദി പറയുന്നത് താൻ നിരക്ഷരനാണെന്നാണ്. ഇന്ത്യക്ക് ഒരു വിദ്യാഭ്യാസമുള്ള ആളെ വേണം, നയങ്ങൾ ഉണ്ടാക്കാൻ, വിദ്വേഷം നിർത്താൻ. ഇന്ന് തങ്ങൾ "മോദി ഹഠാവോ-ദേശ് ബച്ചാവോ’ എന്ന ദേശീയ കാന്പയിൻ ആരംഭിക്കുകയാണെന്നും അദ്ദേഹം പറഞ്ഞു.

പാർട്ടി വിമർശനങ്ങൾ നേരിടേണ്ടിവരുമെന്നും പ്രചാരണത്തിന്‍റെ പേരിൽ ജയിലിൽ കിടക്കേണ്ടിവരുമെന്നും അമൻ പറഞ്ഞു. എന്നാൽ ഇത് പറയുന്നതിൽ നിന്ന് ഞങ്ങളെ തടയില്ല.

നമുക്ക് രാജ്യത്തെ രക്ഷിക്കണമെങ്കിൽ, സർദാർ വല്ലഭായ് പട്ടേലിന്‍റെയോ ഗാന്ധിയുടെയോ ജവഹർലാൽ നെഹ്റുവിന്‍റെയോ സ്വപ്നം സാക്ഷാത്കരിക്കണമെങ്കിൽ നരേന്ദ്ര മോദി പോകണം. നരേന്ദ്ര മോദി അദ്ദേഹത്തിന്‍റെ നേട്ടങ്ങൾക്കായി കോടതികൾ, ഇഡി, ഇസിഐ തുടങ്ങിയ ഏജൻസികളെ ദുരുപയോഗം ചെയ്യുകയാണ്. സ്വാതന്ത്ര്യത്തിനായി നാം ഒരു പുതിയ പോരാട്ടം നടത്തണം, വിദ്യാസന്പന്നനായ ഒരു പ്രധാനമന്ത്രിയെ തെരഞ്ഞെടുക്കണമെന്നും അമൻ പറഞ്ഞു.

ഈ സർക്കാർ ബിജെപി ഇതര പാർട്ടികളിൽ നിന്നുള്ള മുഖ്യമന്ത്രിമാർക്ക് എൻഫോഴ്സ്മെന്‍റ് ഡയറക്ടറേറ്റ് സമൻസ് അയയ്ക്കുന്നു, അവരെ റെയ്ഡ് ചെയ്യുന്നു, പക്ഷേ, അവർ ബിജെപിയിൽ ചേരുന്പോൾ അവർ ശുദ്ധരാകുന്നു.

നിലവിലെ കേന്ദ്രസർക്കാർ ഏതാനും വ്യവസായികളുടെ അഭിവൃദ്ധിക്കുവേണ്ടി മാത്രമാണ് പ്രവർത്തിക്കുന്നതെന്ന് അമൻ കൂട്ടിച്ചേർത്തു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.