മൂന്നാം വിജയം തേടി കേരളം ഇന്നിറങ്ങും
Saturday, November 23, 2024 11:30 PM IST
കോഴിക്കോട്: സന്തോഷ് ട്രോഫി പ്രാഥമിക റൗണ്ടിലെ തങ്ങളുടെ അവസാന മത്സരത്തില്‍ കേരളം ഇന്നു പുതുച്ചേരിയെ നേരിടും.
കോഴിക്കോട് ഇഎംഎസ് സ്‌റ്റേഡിയത്തില്‍ വൈകുന്നേരം 3.30 നാണു മത്സരം. റെയില്‍വേസിനെയും ലക്ഷദ്വീപിനെയും തോല്‍പിച്ച കേരളം ഫൈനല്‍ ബര്‍ത്ത് ഉറപ്പാക്കിക്കഴിഞ്ഞു. റെയില്‍വേസിനെതിരേ അവസാന സമയത്തു നേടിയ ഗോളിനാണു ജയിച്ചതെങ്കില്‍ ലക്ഷദ്വീപിനെ കേരളം ഗോള്‍ മഴയില്‍ മുക്കുകയായിരുന്നു.
പത്ത് ഗോളിനായിരുന്നു ജയം. ഇതുവരെയും ഗോള്‍ വഴങ്ങാത്ത പ്രതിരോധവും ശക്തമായ മുന്നേറ്റ നിരയുമാണ് കേരളത്തിന്‍റെ കരുത്ത്.