ഇറ്റലി 2-2 ബെൽജിയം റോമിൽ നടന്ന പോരാട്ടത്തിൽ കരുത്തരായ ഇറ്റലിയും ബെൽജിയവും 2-2 സമനിലയിൽ പിരിഞ്ഞു. 40-ാം മിനിറ്റിൽ ലോറെൻസോ പെല്ലെഗ്രിനി ചുവപ്പുകാർഡ് കണ്ടതോടെ ഇറ്റലിയുടെ അംഗബലം പത്തിലേക്കു ചുരുങ്ങിയിരുന്നു.
എംബപ്പെ ഇല്ലാതെ ഫ്രാൻസ് ഗ്രൂപ്പ് ബിയിൽ സൂപ്പർ താരം കിലിയൻ എംബപ്പെ ഇല്ലാതെ ഇറങ്ങിയ ഫ്രാൻസ് 4-1ന് ഇസ്രയേലിനെ തകർത്തു. കാമവിങ്ക (6’), ക്രിസ്റ്റഫർ എൻകുങ്കു (28’), ഗ്വെഡൗസി (87’), ബെർകോള (89’) എന്നിവരായിരുന്നു ഫ്രാൻസിനായി ലക്ഷ്യം നേടിയത്.
ഹാലണ്ട് റിക്കാർഡ് രാജ്യാന്തര ഫുട്ബോളിൽ നോർവെയ്ക്കുവേണ്ടി ഏറ്റവും കൂടുതൽ ഗോൾ സ്വന്തമാക്കിയ റിക്കാർഡ് ഇനി എർലിംഗ് ഹാലണ്ടിന്റെ പേരിനൊപ്പം. യുവേഫ നേഷൻസ് ലീഗിൽ സ്ലോവേനിയയ്ക്കെതിരായ മത്സരത്തിൽ ഇരട്ടഗോൾ നേടിയതോടെയാണിത്.
രാജ്യാന്തര ഫുട്ബോളിൽ എർലിംഗ് ഹാലണ്ടിന്റെ ഗോൾ നേട്ടം 34 ആയി. ഇരുപത്തിനാലുകാരനായ ഹാലണ്ടിന്റെ 36-ാം രാജ്യാന്തര മത്സരമായിരുന്നു.