അസ്താനയിൽ നടന്ന ടൂർണമെന്റിന്റെ സെമി ഫൈനലിൽ ജപ്പാൻ 3-1ന് ഇന്ത്യയെ പരാജയപ്പെടുത്തി. മറ്റൊരു സെമിയിൽ ചൈന 3-0ന് ഹോങ്കോംഗിനെയും. സെമിയിൽ പരാജയപ്പെടുന്ന രണ്ടു ടീമുകൾക്കും വെങ്കല മെഡൽ ലഭിക്കുകയും ചെയ്തു.
സെമിയുടെ ആദ്യ സിംഗിൾസിൽ മിവ ഹാരിമോട്ടോ 3-2ന് ഐഹിക മുഖർജിയെ തോൽപ്പിച്ചു. അടുത്ത സിംഗിൾസിൽ മണിക ബത്ര 3-0ന് സാറ്റ്സുകി ഒഡോയെ പരാജയപ്പെടുത്തി ഒപ്പത്തിലെത്തിച്ചു. അടുത്ത സിംഗിൾസിൽ മിമ ഇട്ടോ 3-0ന് സുതീർഥ മുഖർജിയെയും ഹാരിമോട്ടോ 3-1ന് ബത്രയെയും തോല്പിച്ചതോടെ ജപ്പാൻ ഫൈനലിലേക്ക്.
ആവേശകരമായ പോരാട്ടം നടന്ന ക്വാർട്ടർ ഫൈനലിൽ ഇന്ത്യ 3-2നാണ് ദക്ഷിണ കൊറിയയെ തോൽപ്പിച്ചത്.